ياريكه‌رێن ئه‌لمانيا داخوازيه‌ك ژ ياريكه‌رێن ئسپانيا كر
بەلاڤ بکە
گاڤ
راپۆرته‌كا رۆژنامه‌ڤانى يا ئسپانى نهێنيه‌ك پشتى ب دويماهيك هاتنا ياريا ئه‌لمانيا و ئسپانيا د چارچووڤه‌يێ گه‌ڕا دوێ ژ قووناغا كۆمان يا مونديالا قه‌ته‌ر 2022 دا ئاشكرا كر.
راديۆيا كادينا كۆپ يا ئسپانى ئاشكرا كر؛ ئه‌نتۆنيۆ رۆديگێر به‌رگريكارێ ئه‌لمانيا و يانه‌يا ريال مه‌دريد چوو ل ده‌ف دانى كارڤاخال ياريكه‌رێ ئسپانيا و ريال مه‌دريد و گۆتێ "سه‌ركه‌فتنێ ل سه‌ر ژاپۆنێ تۆمار بكه‌ن".
ديار ژى كر؛ دانى ئولمۆ باريكه‌رێ ئسپانيا و لايبزيگ يا ئه‌لمانيى پشتى ياريێ دانپێدان كر كو گه‌له‌ك ژ هه‌ڤالێن وى يێن د هه‌لبژارتيێ ئه‌لمانيا دا داخوازا سه‌ركه‌فتنێ ل سه‌ر ژاپۆنێ ژێ كرن.
ئولمۆ گۆت ژى: وه‌كى هه‌رده‌م ئه‌م دێ بۆ سه‌ركه‌فتنێ ياريێ كه‌ين.
ئسپانيا پێدڤى ب وه‌كهه‌ڤيێ يه د ياريا دويماهيێ دا داكو ده‌رباز ببيت، لێ ئه‌لمانيا كو ب تنێ خاله‌ك هه‌يه پێدڤى ب سه‌ركه‌فتنێ ل سه‌ر كوستاريكا و سه‌ركه‌فتنا ئسپانيا ل سه‌ر ژاپۆنێ ژ بۆ ده‌ربازبوونێ هه‌يه.
