"كۆمبوونا بایدنى و ئهردۆگانى دێ هێته پاشئێخستن"
گاڤ
كۆمبوونا دناڤبهرا سهرۆكێ ئهمریكا و سهرۆككۆمارێ توركیا دا كو ل بهر بوو ل 9ى گۆلانا بهێت برێڤهبچیت دێ هێته پاشئێخستن.
بهرپرسهكێ توركى ئهڤرۆ ئهینییێ دیاركر "كۆمبوونا چاڤهرێكرى یا دناڤبهرا رهجهب تهیب ئهردۆگان سهرۆككۆمارێ توركیا و جۆ بایدن سهرۆكێ ئهمریكا دا یا ل بهر بوو ل 9ى ههیڤا گۆلانا بهێت برێڤهبچیت، هاته پاشئێخستن".
وى بهرپرسى دیار ژى كر "د دهمهكێ نێزیك دا دێ ژڤانهكێ نوى بۆ كۆمبوونێ هێته دانان".
كۆچكا سپى ب فهرمى بهحس ل سهرهدانێ نهكریه؛ لێ بهرپرسهكێ ئهمریكى ل دویماهییا ههیڤا ئادارێ بۆ ئاژانسا رۆیتهرز راگههاند بوو "كۆچكا سپى پێشنیار كریه كۆمبوونا بایدنى و ئهردۆگانى ل رۆژا 9ى ههیڤا گۆلانێ برێڤهبچیت و ئهنقهره ل سهر ڤێ چهندێ رازیبوویه".
دهزگههێن راگههاندنێ یێن توركى بهرى نوكه ل دۆر سهرهدانێ دیاركربوون "دهێته چاڤهرێكرن ههردو سهرۆك ژمارهیهكا كێشهیێن د سالێن بۆرى دا بووینه ئهگهرێ تێكچوونا پهیوهندییان دناڤبهرا ههردو ههڤپهیمانێن دیرۆكى دا بهحسبكهن".