سەرۆک نێچیرڤان بارزانی: ب توندى هێرشا ل سهر كێلگهها كۆرمۆر شهرمزار دكهم
گاڤ
سهرۆكێ ههرێما كوردستانێ هێرشا ل سهر كێلگهها كۆرمۆر ب توندى شهرمزاركر و داخواز ژ حكومهتا ئیراقێ كر رێگری ل وان هێرشان بهێته كرن و بكهرێن وان بهێنه ئاشكراكرن و رادهستى یاسایێ بهێنه كرن.
سهرۆك نێچیرڤان بارزانى د بهیانهكێ دا بهرى دهمهكێ كێم راگههاند "هێرشا درۆنى یا ل سهر كێلگهها گازێ یا كۆرمۆر ل سنوورێ چهمچهمال ب توندى شهرمزار دكهم كو ب مخابنى ڤه شههید و بریندار تێدا ههبووینه و بوویه ئهگهرێ قۆتبوون و كێمبوونا بهرههمئینانا كارهبێ و ژكاركهفتنا وێستگههێ".
د بهیانێ دا هاتیه ژى "ل دهمهكێ سهرهخۆشییێ ل خێزان و كهسوكارێن شههیدان دكهم و ههڤخهمم ل گهل وان و هیڤییا چاكبوونا ب لهز بۆ برینداران دخوازم، دوپات دكهم كو ئهڤ هێرشه ئارامى و سهقامگیرییا وهلاتى دئێخنه د مهترسییێ دا و پێدڤییه لایهنێن پهیوهندیدار یێن حكومهتا ئیراقێ ئهركێ خۆ بۆ رێگریكرنی ل وان هێرشان و ئاشكراكرنا بكهرێن وان ژ ههر لایهكى بن بجهبینن دا كو بگههنه سزایێ یاسایى یێ خۆ".