فرەنسا: ره‌نگه پالده‌ره‌كێ ره‌گه‌زپه‌رستیێ ل پشت هێرشا ئەڤرۆ یا سەر کوردان هه‌بيت
بەلاڤ بکە
گاڤ
هه‌ر سێ كه‌سێن د رويدانا ته‌قه‌كرنێ دا ل پاريسێ ئه‌ڤرۆ ئه‌ينيێ گيانێ خۆ ژده‌ستداين كورد بوون، ل گۆره‌ى پارێزه‌ره‌كێ ره‌ڤه‌ندا كوردى.
ئاژانسا رۆيته‌رز ژ دێڤێد ئه‌نديكوهو پارێزه‌رێ سه‌نته‌رێ ره‌ڤه‌ندنا كوردى ڤه‌گوهاستيه؛ هه‌ر سێ كه‌سێن د هێرشا ته‌قه‌كرنێ يا ئه‌ڤرۆ دا ل پاريس گيانێ خۆ ژده‌ستداين، ژ ره‌ڤه‌ندا كوردى بوون.
ئه‌ڤرۆ كه‌سه‌كێ 69 سالى ته‌قه ل سه‌نته‌رێ كه‌لتۆرى يا ئه‌حمه‌د كايا يێ كوردى و كافيه‌كا كوردى ل نيڤا پاريسێ كربوو و تێدا سێ كه‌سان گيانێ خۆ ژده‌ستدابوو و سێ كه‌سێن دى بريندار بوون.
نوينه‌رێن داواكاريا گشتى يا فره‌نسا دياركرن كو ره‌نگه پالده‌ره‌كێ ره‌گه‌زپه‌رستى ل پشت هێرشێ هه‌بيت.
ژ لايێ خۆڤه، جێرارد دارمانان وه‌زيرێ ناڤخۆ يێ فره‌نسا راگه‌هاند؛ ئەم لێکۆلینێ دکەین کا رويدانا ئه‌ڤرۆ ره‌فتاره‌كا كه‌سۆكى بوو یان هێرشەکا دژی کوردان بوو.
ديار ژى كر؛ تا نوكه ئه‌م پالده‌رێن ل پشت هێرشێ نزانين.
ل گۆره‌ى ئاژانسان؛ په‌ڤچوون دناڤبه‌را پۆليسێن فره‌نسى و هنده‌ك خۆنيشانده‌رێن كورد پشتى هێرشێ دروستبوويه و پۆليسێن فره‌نسى گازێن رۆندكرێژ بكارئيناينه.
