د به‌رژه‌وه‌نديا ئيرانيان دايه.. وه‌تسئه‌پ تايبه‌تمه‌نديه‌كا نوى رادگه‌هينيت
01/06/2023 - 18:08
بەلاڤ بکە
گاڤ
وێل كاسكارت رێڤه‌به‌رێ ئه‌پليكه‌يشنێ وه‌تسئه‌پى ئه‌ڤرۆ ئه‌ينيێ راگه‌هاند؛ وه‌تسئه‌پ تايبه‌تمه‌نديه‌كا نوى زێده‌كر كو رێكێ دده‌ته بكارئينانا ئه‌پليكه‌يشنى ل وان وه‌لاتێن قه‌ده‌غه دكه‌ت وه‌كى ئيرانێ.
ديار ژى كر؛ ل ده‌مه‌كێ پتريا مه ب رێكا وه‌تسئه‌پى نامه‌يان بۆ خۆشتڤيێن خۆ ڤرێدكه‌ن، لێ ب مليۆنان كه‌س ل ئيرانێ و هنده‌ك جهێن دى ژ ڤێ چه‌ندێ د بێبه‌هرن.
ئاشكرا ژى كر؛ هه‌ر ژ ئه‌ڤرۆ دێ په‌يوه‌نديكرن ب وه‌تسئه‌پى ب رێكا بريكاران بۆ بكارهينه‌ران به‌رده‌ست بيت كو بكارهينه‌ر ب رێكا گه‌هينه‌رێن خزمه‌تگۆزاريان يێن كو ژ لايێ خۆبه‌خشان و رێكخراوان ڤه هاتينه دروستكرن، دێ شێن وه‌تسئه‌پى بكارئينن.
ژماره‌يه‌كا مه‌زن ژ ئيرانيان به‌ره‌ڤ بكارئينانا پرۆگرامێن VPN ژ بۆ بكارئينانا پرۆگرامێن قه‌ده‌غه‌كرى ژ لايێ ده‌ستهه‌لاتێ ڤه چووينه.
