لوقمان ئاسیهی
بیرا من باش دئێت، ل سالا دوماهییێ دەما کو هێژ ئەز قوتابی ل زانکوێ کچەکا دەولەمەند کو هینگێ دگۆتن بابێ وێ موستەشارە پاش نیڤا سالێ ژ زانکووا مووسلێ هاتە دەف مە. ئەگەر ئەز نهو سوند ژی بخوم ئەز باوەرم قەت سوند ل من ناکەڤت، باوەربکن ئەوێ کچێ ئێک جارێ ب تنێ ژی جلکێن خوە دوبارە نەکرنە بەر خوە، ئانکو کا چەند رۆژان هاتیە دەوامێ، وێ هند دەستێن جلکان کرنە بەر خوە... ژ وە ناڤەشێرم کو زێدەباری ئەوێ یەکێ کو حورمەتێ جوان و ژێهاتی بوو، هەر جلکەکێ ل بەر بەژنا خوە ژی دکر گەلەک و گەلەک لێدهات لەورا خانم بوو چیرۆک و قاجکێ دەڤێ هەموو کولیژا مە بگرە ژ قوتابیان تا ماموستا و فەرمانبەران ژی. ئەڤ سوحبەت جارەکێ من ژ دەستەبرایەکا خوە ڕە کر، باش گوهـ ل من گرت، بەس راستی ئەو هزرا من دکر کو ل قەدەرەکێ حێبەتیمای بمینت وەسا دەرنەکەت و گۆت: سەیدا وەکو ئەز هزردکم ئینسان هەموو حەز ژ وێ رەنگە گوهۆڕینێ دکن، لێ راددەیا حەزژێکرنا ژنێ ژبۆ وی تشتی گەلەک پترترە ژ یا زەلامی و ئەگەر هندەک ژنان پێ چێببا، نە بەس جلکا بەلکو دا گەلەک تشتێن خوە هندەکان رۆژان هندەکان هەیڤانە هندەکان سالانە گوهۆڕن!" 
ئەز ب خوە وەکو زەلام و یا ژ منڤە پتریا پتریا زەلامان ژی، ژنێ پر جوان و نازک دبینن، لێ یا ژمن ڤە ژن ب خوە وەسا خوە نابینت، جارێ هێدی ئەز دێ ڤێ پرسیارێ د گوهێ ژنان دە بێژم: هوون ب خودێ کن رۆژێ هوون چەند جاران دچتە بەر خوەدیکێ و بەرێ خوە ددنە بەژنا خوە و د کار و کوکا خوە دخەبتن؟ یا ژمنڤە ئەگەر ئەڤ پرسیار ژ زەلامەکی بئێتە کرن، دێ ب کورتی بێژت ب خودێ تەنێ ل دەمێ رهێن خوە دتراشم و دەمێ دچمە دەواما خوە، لێ وەکو دەستەبرایا من گۆتی: سەبارەت بەرسڤا ئەڤێ پرسیارێ و ژنێ، ئەگەر ب وێ بت قەت ژ بەر خوەدیکێ رانابت.
ژن عەدەسەیێن چاڤێن خوە ژی دگوهۆڕن و پرچا خوە مێش و نوزا چ لێدکن و هندەک ژ مکیاژا وان یا دچەنتێن وانێن دەستی دە، لێ زەلام هندەک ژێ گەر مەجبور نەبن زوو ب زوو رهێن خوە ژی نا تراشن و ل ڤێدەرێ واتەیا وێ ئەو نینە کو زەلام پێ چارنە و نەشێن سەروبەریا خوە بکن، لێ وەکو ئەز هزردکم گەر ژنێ ژی ب چاڤێ زەلامی بەرێ خوە دابا جوانیا خوە هند ل خوە ب شک نەدکت و هند ب خوە ڤە نەدما و بلا کەس ل ڤێرێ نە بێژتە من، ئەڤە مەسەلا نێر و مێیاتییێ یە کو زەلام ژنێ جوان دبینت و ژن وەسا خوە نابینت، یا ئەز تێدگەهم مەسەلە گرێدای باوەری ب خوە بوونێ یە کو سەرەڕای وێ نازکی و مێیاتی و جوانییا ل دەف گەلەک ژنان هەی وەکو دەستەبراکا من ژی گۆتی لێ هندەک ژن هەنە هەر خوە کرێت و نە رێک و کێمتر ژ زەلامی دبینن و دڤێن بەردەوام ب سەروبەرێ خوە ڤە بن.
جارەکێ کابرایەکێ کو حەسێبێ مەدحێن خوە دکرن د جڤاتەکێ دە دگۆت: من دوکانەکا کەلوپەل و مکیاژ و هەموو تشت و مشتێن ژنان هەیە، ئەز قازانجەکا پر باش ژێ دکم، تەنێ بێژە ژنێ ئەڤ دەرمانە دێ فلان جهێ تە جوانکت یان دێ پرچا تە نوزا چلێکت ب چەندێ بت ئەو دێ وی کڕت و پشتی دو رۆژان ئێکێ دی بینە و هەمان ریکلامێ بۆ بکە دێ وی ژی کڕت و دێ یی دی هاڤێت!"
ل من نەگرن من رێز بۆ تەڤ ژنان هەنە لێ پرسیار بۆچی (تقریبا) ژن تەنێ ئەو نشتەرگەرییێن جوانکاریێ دکن و ....