توركيا: سێ كه‌سان د ئه‌ردهه‌ژێن هاتاى دا گيانێ خۆ ژده‌ستداينه و 213 برينداران
02/20/2023 - 23:47
بەلاڤ بکە
گاڤ
توركيا نويترين ئامارێن هه‌ردو ئه‌ردهه‌ژێن ئه‌ڤرۆ ل ويلايه‌تا هاتاى ل باشوورێ توركيا ل نزيك سنوورێ سووريا راگه‌هاندن.
ل ده‌مه‌كێ دى ژ ئه‌ڤرۆ، دو ئه‌رده‌هه‌ژێن ب پله‌يێن 6.4 و 5.8 ب پيڤه‌رێ رێخته‌ر ل ويلايه‌تا هاتاى ل باشوورێ توركيا دابوون.
سلێمان سويلۆ به‌رى ده‌مه‌كێ كێم راگه‌هاند؛ سێ كه‌سان د هه‌ردو ئه‌ردهه‌ژێن هاتاى دا گيانێ خۆ ژده‌ستداينه و 213 كه‌س بريندار بووينه.
خه‌لكێ هه‌رێما كوردستانێ و ژماره‌يه‌كا وه‌لاتێن رۆژهه‌لاتا ناڤين ئاگه‌هـ ژ هه‌ردو ئه‌ردهه‌ژێن ئه‌ڤرۆ هه‌بوون.
ژ به‌رى نوكه ژى، دو ئه‌ردهه‌ژان ب پله‌يێن 7.8 و 7.4 ب پيڤه‌رێ رێخته‌ر ل 6ى ڤێ هه‌يڤێ ل كه‌هره‌مان مرعش ل توركيا ل نزيك سنوورێ سووريا دابوون و نزيكى 46 هزار كه‌سان ل وه‌لاتێن توركيا و سووريا ژ ئه‌نجامێ وان ئه‌ردهه‌ژان گيانێ خۆ ژده‌ستدابوون.
