وه‌تسئه‌پ تايبه‌تمه‌نديا ده‌ركه‌فتنێ ژ گرۆپان بێى ئه‌ندام بزانن به‌رده‌ست دكه‌ت
بەلاڤ بکە
گاڤ
هنده‌ك كه‌س حه‌ز دكه‌ن ژ گرۆپه‌كێ وه‌تسئه‌پى بده‌ركه‌ڤن لێ چونكى هه‌ڤال و هه‌ڤكارێن وان دناڤ دا هه‌نه هه‌ست ب شه‌رمێ دكه‌ن چونكى ده‌ركه‌فتنا وان ژ گرۆپى بۆ ئه‌ندامێن دى ديار دبيت.
وه‌تسئه‌پ بۆ چاره‌كرنا ڤێ چه‌ندێ، تايبه‌تمه‌نديه‌كا نوى به‌رده‌ست كريه كو بكارهينه‌ر ژ گرۆپان بده‌ركه‌ڤيت بێى ئه‌ندامێن دى يێن گرۆپى بزانن.
ژ به‌رى نوكه، ده‌مێ كه‌سه‌كى گرۆپه‌كێ وه‌تسئه‌پى ب جهـ هێلابا، دا تێبينيه‌ك د گرۆپى دا هێته نڤيسين كو كه‌سێ خۆدانێ فلان ژماره‌يا ته‌له‌فۆنێ گرۆپ هێلا.
ده‌يلى مه‌يل به‌لاڤكريه؛ وه‌تسئه‌پى تايبه‌تمه‌نديا ’ده‌ركه‌فتنا بێده‌نگ’ ژ گرۆپان به‌رده‌ست كريه و ل گۆره‌ى وێ، بكارهينه‌ر دێ شێت ژ گرۆپان بده‌ركه‌ڤيت بێى كو وه‌تسئه‌پ بۆ ئاگه‌هداركرنا ئه‌ندامێن گرۆپى نوتيفيكه‌يشنه‌كێ بكه‌ته د گرۆپى دا.
بۆ ئه‌كتيڤكرنا ڤێ تايبه‌تمه‌نديێ، پێدڤيه بكارهينه‌ر ل ده‌ستپێكێ وه‌تسئه‌پى ل ده‌ف خۆ ئه‌پدێت بكه‌ت.
ده‌مێ كه‌سه‌ك ئێدى ژ گرۆپه‌كێ وه‌تسئه‌پى بده‌ركه‌ڤيت، دێ ئوپشنه‌ك وى ده‌مى بۆ ديار بيت و تێدا هاتيه نڤيسين "ب تنێ سه‌رپه‌رشتێن گرۆپى دێ ب ده‌ركه‌فتنا ته ژ گرۆپى حه‌سن".
هه‌روه‌سا وه‌تسئه‌پى ئوپشنه‌كێ دى ژى به‌رده‌ست كريه كو سه‌رپه‌رشتێن گرۆپان ژى ژ ده‌ركه‌فتنا ئه‌ندامان نه‌هێنه ئاگه‌هدار كرن.
بۆ ڤێ چه‌ندێ، پێدڤيه بكارهينه‌ر خزمه‌تا Read Receipts ژ ليستا تايبه‌تمه‌نديێ Privacy د Settings دا ژ كار بئێخيت.
