رۆسيا.. هه‌ر كه‌سێ ره‌خنه‌يێ ل شه‌ڕى بگريت دێ پاسپۆرتا وى ژێ هێته ستاندن
بەلاڤ بکە
گاڤ
هه‌ر كه‌سه‌كێ پاسپۆرت و ره‌گه‌زنامه‌يا بده‌ستڤه‌هاتى يا رۆسى هه‌بيت و ره‌خنه‌يێ ل شه‌ڕێ رۆسيا ل سه‌ر ئۆكراينا بگريت، دێ ژێ هێنه ستاندن.
په‌رله‌مانێ رۆسى ’دۆما’ ئه‌ڤرۆ چارشه‌مبيێ هنده‌ك هه‌مواركرنێن ياسايى راگه‌هاندن ژ وان ژى ڤه‌كێشانا پاسپۆرتا رۆسى يا بده‌ستڤه‌هاتى ژ هه‌ر كه‌سه‌كێ ب خرابى به‌حسێ ئۆپه‌راسيۆنا له‌شكه‌رى يا رۆسى ل ئۆكراينا بكه‌ت.
كۆنستانتين زاتۆلين په‌رله‌مانتارێ رۆسى بۆ سپۆتنيك ئاشكرا كر؛ هنده‌ك گوهۆڕين د ياسايا ره‌گه‌زنامه‌يێ يا رۆسى دا هاتينه كرن، ژ وان ژى ڤه‌كێشانا پاسپۆرتێ ژ كه‌سێن ب خرابى به‌حسێ ئوپه‌راسيۆنا له‌شكه‌رى دكه‌ن.
هه‌روه‌سا پرۆژه‌ياسايێ ده‌ستهه‌لاتێن به‌رفره‌هتر داينه سه‌رۆكێ رۆسيا ب ده‌ستنيشانكرنا وان ته‌خێن دشێن پاسپۆرتێ ب ساناهى وه‌ربگرن.
ئۆپه‌راسيۆنا له‌شكه‌رى يا رۆسيا ل سه‌ر ئۆكراينا به‌رده‌وامه و شه‌ڕ و په‌ڤچوون ل هه‌رێما دۆنباس و ب تايبه‌ت ل باژێڕێ باخمۆت دناڤبه‌را هێزێن رۆسى و ئۆكراينى دا به‌رده‌وامن.
