ژڤانێ دهنگدانا ئێكلاكهر ل سهر ههمواركرنا یاسایا ههلبژارتنێن جڤاتێن پارێزگههان هاته دهستنیشانكرن
03/23/2023 - 19:55
گاڤ
پهرلهمانێ ئیراقێ ژڤانێ دهنگدانا ئێكلاكهر ل سهر پرۆژهیاسایا ههمواركرنا یاسایا جڤاتێن پارێزگههان دهستنیشانكر.
پهرلهمانێ ئیراقێ ئهڤرۆ پێنجشهمبیێ راگههاند؛ روینشتنا تایبهت ب دهنگدانا ئێكلاكهر ل سهر پرۆژهیاسایا ههمواركرنا سیێ بۆ یاسایا ههلبژارتنێن جڤاتێن پارێزگههان و قهزایان ژماره 12 یا سالا 2018 ل شهمبیا بهێت ل دهمژمێر 8:30 ل سپێدێ دێ برێڤهچیت.
ههروهسا دهێته چاڤهرێكرن كو چارهنڤیسێ جڤاتا ئهمیندارێن تۆرا راگههاندنێ یا ئیراقى د وێ روینشتنێ دا بهێته ئێكلاكرن.
پهرلهمانێ ئیراقێ ل رۆژێن ئێكشهمبى و دوشهمبیا بۆرى ل دۆر پرۆژهیاسایا ههمواركرنا یاسایا ههلبژارتنان روینشتبوو.
پهرلهمانێ ئیراقێ دهنگدان ل سهر دهستنیشانكرنا رۆژا 6/11/2023 بۆ ئهنجامدانا ههلبژارتنێن جڤاتا پارێزگههان ل ئیراقێ كربوو.