لێکۆلینەکا ساخلەمیێ بەحسا مفایێن نڤستنا ئێڤاریان دکەت
03/27/2023 - 22:25
بەلاڤ بکە
گاڤ
لێكۆلینه‌كا ساخله‌مى یا سێنگاپۆرى یا نوى چار مفایێن نڤستنێ بۆ نیڤ ده‌مژمێرێ ل ئێڤارى دیار كرن.
لێكۆلین ل سه‌ر 32 گه‌نجان بۆ پیڤانا ره‌وشا گێولى، هشیاریێ و ئاستێ مه‌عریفى هاتبوو ئه‌نجامدان.
رۆژنامه‌یا The Sun ژ لێكۆلینه‌كا زانكۆیا سێنگاپۆر یا نیشتیمانى ڤه‌گوهاستیه؛ نڤستن بۆ ده‌مێ نیڤ ده‌مژمێرێ ل ئێڤارى بۆ خۆشكرنا گێولێ مرۆڤى، بهێزكرنا بیردانكێ و مكومكرنا هشیاریێ یا هاریكاره.
زێده‌بارى خالێن ل سه‌رى، ئه‌ڤ نڤستنه بۆ وه‌رگرتنا زانیاریێن نوى و تێگه‌هشتنا وان ژى یا ب مفایه.
ئاشكرا ژى كریه كو ئه‌ڤ مفایێن وێ نڤستنا كورت ل ئێڤارى بۆ ده‌مێ چار ده‌مژمێران به‌رده‌وام دبیت.
د لێكۆلینى دا، نڤستن بۆ 10 خۆله‌كان، 30 خۆله‌كان و 60 خۆله‌كان ل ئێڤارى هاتبوونه تاقیكرن و هه‌میان مفایێ خۆ هه‌بوون و ئوپشنێ ژ هه‌میان باشتر نڤستنا بۆ 30 خۆله‌كان بوو.
