گاڤ

خۆدانێ تۆرا تویته‌رى و كۆمپانیا تێسلا ئه‌ڤرۆ پێنجشه‌مبیێ دیاركر كو گوهۆڕینا جیهانێ به‌ره‌ڤ كاركرنێ ب وزه‌یا پاقژ پێدڤى ب 10 ترلیۆن دۆلاران هه‌یه‌ ،لێ ئه‌ڤ چه‌نده‌ یا پێدڤى یه بهێتەکرن‌.

ئیلۆن ماسك دیاركر؛ ڤه‌گوهاستنا جیهانێ به‌ره‌ڤ كاركرنێ ب وزه‌یا پاقژ پێدڤى ب وه‌به‌رهێنانێن مه‌زن ب نزیكى 10 ترێلیۆن دۆلاران هه‌یه‌.

زێده‌ ژى كر "د سه‌ر هندێ را، ئه‌ڤه‌ تشته‌كێ كێمه‌ ژ سه‌رجه‌مێ ئابوورێ جیهانێ كو 100 ترلیۆن دۆلارن ئه‌گه‌ر بۆ ده‌مێ دو ده‌هكان كار ل سه‌ر بهێته‌ كرن".

ئاماژه‌ دا وێ چه‌ندێ ژى؛ ئه‌گه‌ر كاركرن ب وزه‌یا پاقژ‌ بهێته‌ پشتگوهڤەهاڤێتن و ب به‌رده‌وامى پشتبه‌ستن ل سه‌ر وزه‌یا نوكه‌ یا به‌ردینى بهێته‌ كرن، دێ ئه‌ڤه‌ ب 14 ترێلیۆن دۆلاران ل سه‌ر جیهانێ راوه‌ستیت.

كۆمیسیۆنا ئه‌ورۆپى ژ به‌رى نوكه‌ بڕیارا راوه‌ستاندنا به‌رهه‌مئینانا ترۆمبێلێن په‌نزینێ دخۆن هه‌ر ژ سالا 2035 و وێڤه‌ و ڤه‌گوهاستن به‌ره‌ڤ ترۆمبێلێن كاره‌بێ ل وه‌لاتێن ئێكه‌تیا ئه‌ورۆپى راگه‌هاند بوو.