لژنا گەشەپێدان و پشتهڤانیكرنا پڕۆژهیێن پیشەسازی ئەرد بۆ 13 کارگەهان تەرخانکر
گاڤ
پارێزگهها دهۆكێ رادگههینیت، لژنا گەشەپێدان و پشتهڤانیكرنا پڕۆژهیێن پیشەسازی ئەرد بۆ 13 کارگەهان تەرخانکر و دێ دهلیڤهیا كارى بۆ زێدهتر ژ 800 كهسان پهیدا كهت.
ئەڤرۆ دوشەمبێ 17-4-2023یێ ب سەرپەرشتیا د.عەلی تەتەر، پارێزگارێ دهۆکێ و ب بەرهەڤبوونا ئالیێن پەیوەندیدار کۆمبوونا لژنا گەشەپێدانا پیشەسازی و پشتهڤانیكرنا پڕۆژهیێن پیشەسازی هاتە كرن.
پاریزگهها دهۆكێ راگههاندیه، هەلسەنگاندن بۆ پڕۆژهیێن کارگەهێن هاتینە پێشکێشکرن هاتهكرن و لژنا ناڤبری ئەردێ پیشەسازی بۆ 13 کارگەهان دبیاڤێن (بەرهەمئینانا بۆڕیێن کۆنکریتی، بلۆکێن ئاسایی، داگرتنا بوتلێن غازا شل، بەرهەمئینانا سپیاتیان، تانکێن ئاڤ گەرمکرنێ، کەرەستێن بیناسازی، بەرهەمئینانا کلینیسان، بەرهەمئینانا کارەبێ ژ وزا رۆژێ، چاندنا شتلين باجانان، جپس و شەربەتێ، چار کارگەهێن ئومبارێن سارکەڕ، بەرهەمئینانا فلین و دیکۆرێن خانیا و بۆڕیێن پلاستیکی) هاتەدان.
ههروهسا پارێزگهها دهۆكێ دیاركریه، ژ ئەنجامێ دانا ئەردی بۆ ڤان کارگەهان دێ دهلڤهیا كارى بۆ 849 كهسان ژى پهیدا كهت، ئهڤه ل دهمهكى زیدهكرنا بهرههمێ ناڤخۆ ژى یه.