گاڤ

ڤێ سێ شه‌مبێ په‌یمانگه‌ها هونه‌رێن جوان دێ فه‌ستیڤالا خۆ یا 26ێ ل پارێزگه‌ها دهۆكێ كه‌ت و دێ بۆ ده‌ما سێ رۆژان به‌رده‌وام بیت.

ل رێككه‌فتى 9 تا 11ى ڤێ مه‌هێ په‌یمانگه‌ها هونه‌رێن جوان دێ فه‌ستیڤالا خۆ یا 26ێ ل پارێزگه‌ها دهۆكێ گێڕیت و فه‌ستیڤال ب چاڤدیریا د. عه‌لى ته‌ته‌ر پارێزگارێ دهۆكێ یه‌.

فه‌ستیڤال دێ ل هۆلا كۆنفرانسان و هۆل و باخچه‌یێن په‌یمانگه‌ها هونه‌رێن جوان بیت.

د ناڤا فه‌ستیڤالێ دا دێ كارێن قوتابیێن پشكا شێوه‌كارى كو پێك دهێت ژ ره‌نگ، په‌یكه‌ر و سیرامیك هێنه‌ نیشاندان، هه‌روه‌سا شانۆ ژى كو هه‌ر به‌رهه‌مێ قوتابیێن په‌یمانگه‌هێ یه‌ دێ هێنه‌ نیشاندان و چه‌ندین كونسێرت و ستران ژى كو هه‌ر ژ ئالیێ قوتابیێن پشكا مۆزیكێ ڤه‌ هاتینه‌ به‌رهه‌ڤكرن د ناڤا فه‌ستیڤالێ دا دێ هێنه‌ گۆتن و گێڕان.