ئیران دێ گرێبهستێن هناردهكرنا غازێ بۆ ئیراقێ بۆ 5 سالێن دى نوی كهت
05/13/2023 - 17:21
گاڤ
ئیران دێ دو گرێبهستێن سهرهكى یێن هناردهكرنا غازێ بۆ ئیراقێ ژ بۆ پێنج سالێن بهێت نویكهت.
ههردو گرێبهستێن دێ هێنه نویكرن، ژ بۆ ڤهگوهاستنا غازێ نه ژ بۆ وێستگههێن كارهبێ ل پارێزگههێن بهغدا و بهسره.
ئاژانسا مهر یا ئیرانى ژ جهواد ئوجى وهزیرێ پهترۆلێ یێ ئیرانێ ڤهگوهاستیه؛ ئیرانێ دو گرێبهستێن غازێ ل گهل وێستگههێن كارهبێ ل بهغدا و بهسره ههنه و ب پشتبهستن ب رێككهفتنا ئیرانێ و ئیراقێ، دێ ئهو گرێبهست بۆ پێنج سالێت بهێت هێنه درێژكرن.
وهزیرێ پهترۆلێ یێ ئیرانێ پشتى سهرهدانا وى بۆ بهغدا ل چارشهمبیا بۆرى، ئیمزاكرنا یاداشتنامهیهكا ههڤكاریێ دناڤبهرا ئیرانێ و ئیراقێ دا د بیاڤێن پهترۆل، غاز و پێترۆكیمیایێ دا راگههاند بوو.