وهزیرێ پهترۆلێ یێ ئیراقێ: تا نوكه د گۆتوبێژان داینه ل گهل توركیا بۆ دهستپێكرنا هنارتنا پهترۆلا كوردستانێ
گاڤ
وهزیرێ پهترۆلێ یێ ئیراقێ راگههاند كو ئیراق تا نوكه د گۆتوبێژان دایه ل گهل توركیا بۆ دوباره دهستپێكرنا هنارتنا پهترۆلا ههرێما كوردستانێ.
حهیان عهبدولغهنى ئهڤرۆ ئهینیێ بۆ رۆیتهرز راگههاند؛ ئیراق تا نوكه د گۆتوبێژان دایه ل گهل توركیا بۆ دوباره دهستپێكرنا هنارتنا پهترۆلا ههرێما كوردستانێ.
ههر ژ 25ى ئادارا بۆرى، توركیا هاوردهكرنا پهترۆلا كوردستانێ پشتى بڕیارا دهستهیا ناڤبژیڤانیێ یا گرێداى ژوورا بازرگانى یا نێڤدهولهتى ل پاریس راوهستاندیه كو ل گۆرهى وێ بڕیارێ، توركیا ب دانا 1.5 ملیار دۆلاران بۆ ئیراقێ ژ بهر هاوردهكرنا پهترۆلا ههرێمێ ژ سالا 2014 تا سالا 2018 بهروڤاژى رێككهفتنا بۆریێن پهترۆلێ یا سالا 1973 هاتبوو سزادان.
ههرچهنده ل 4ى ههیڤا نیسانێ یا بۆرى حكومهتێن ههرێمێ و ئیراقێ رێككهفتنهك بۆ دوباره هناردهكرنا پهترۆلا ههرێمێ بۆ ژ دهرڤه ب رێكا كۆمپانیا سومۆ یا فیدرالى ئیمزا كربوون، لێ تا نوكه توركیا رێك نهدایه هناردهكرنا پهترۆلا ههرێما كوردستانێ و ژمارهیهكا مهرجان داناینه.
ئاژانسا رۆیتهرز ژ بهرى نوكه دیاركربوو كو زیانێن راوهستیانا هنارتنا پهترۆلا ههرێمێ ب رێكا توركیا گههشتینه پتر ژ 1.5 ملیار دۆلاران.