گاڤ

رێڤه‌به‌ریا ئاسایشا سلێمانیێ راگه‌هاند، 3 گه‌شتیارێن عه‌ره‌ب ژ لایێ هێزێن وانڤه‌ هاتنه‌ ده‌سته‌سه‌ركرن كو 56 ملیۆن دینار دزى بوون.

ئاسایشا سلێمانیێ  د راگه‌هاندنه‌كێ دا زانین، پشتى زانیارى ل دۆر دزینا 56 ملیۆن دیناران گه‌هشتینه‌ وان، هێزێن وان سه‌ر ب رێڤه‌به‌ریا ئاسایشا رۆژئاڤا سلێمانیێ ب  فه‌رمانا دادوه‌رێ لێكۆلینێ و ل گۆره‌ى یاسایا سزادانا ئیراقێ ل ناوچه‌یا تانجه‌رۆ 3 تۆمه‌تبارێن عه‌ره‌ب ده‌سته‌سه‌ركرن كو 56 ملیۆن دینار دزى بوون.

ئاسایشا سلێمانیێ دیاركر ژى، هه‌ر سێ تۆمه‌تبار عه‌ره‌بێن خه‌لكێ باژێری به‌غدانه‌ و وه‌كو گه‌شتیار سه‌ره‌دانا سلێمانی كرینه‌ و لێكلۆلین د دۆسیه‌یا وان دا به‌رده‌وامه‌.