پاریس سان جێرمان 200 ملیۆن یۆرۆیان بۆ كڕینا دو یاریكه‌ران ته‌رخان دكه‌ت
بەلاڤ بکە
گاڤ
راپۆرتێن میدیایى یێن فره‌نسى دیاركرینه كو یانه‌یا پاریس سان جێرمان 200 ملیۆن یۆرۆ بۆ كڕینا دو یاریكه‌ران د مێركاتۆیا ڤێ هاڤینێ دا ته‌رخانكرینه.
ل گۆره‌ى رۆژنامه‌یا لو پاریسیان؛ یانه‌یا پاریس سان جێرمان پلانا كڕینا دو یاریكه‌ران دانایه و 200 ملیۆن یۆرۆ بۆ ڤێ چه‌ندێ ته‌رخانكرینه.
ئاشكرا ژى كریه؛ ئه‌و هه‌ردو یاریكه‌ره بێرناردۆ سێلڤا و هارى كین یاریكه‌رێن مان ستى و توتێنهامن.
ئاماژه دایه وێ چه‌ندێ ژى كو "كڕینا سێلڤاى بۆ یانه‌یا پاریس سان جێرمان ب ساناهیتره چونكى ئه‌و یاریكه‌ره ژ به‌رده‌وامیێ ل گه‌ل یانه‌یا خۆ مان ستى ب گۆمانه".
خۆیا ژى كریه؛ كڕینا هارى كین ژ به‌ر داخوازیێن مه‌زن یێن دارایى یێن توتێنهام دێ یا ب زه‌حمه‌ت بیت.
یانه‌یا پاریس سان جێرمان ل یاریكه‌ره‌كێ پێگوهۆر دگه‌ڕیت بۆ سالێن بهێت دا كو جهێ كیلیان ئێمباپێ بگریت ئه‌وێ بڕیار داى هه‌ڤبه‌ستا خۆ یا كو ل هاڤینا سالا 2024 ب دویماهیك دهێت، نوى نه‌كه‌ت.
