وه‌تسئه‌پ گوهۆڕينه‌كا نوى د به‌رژه‌وه‌نديا بكارهينه‌ران دا به‌رده‌ست دكه‌ت
07/13/2022 - 16:17
بەلاڤ بکە
گاڤ نيوز
ئه‌پليكه‌يشنێ وه‌تسئه‌پى يێ گرێداى كۆمپانيا ميتا ساخله‌ته‌كێ نوى بۆ بكارهينه‌ران به‌رده‌ستكر كو ب رێكا وێ ده‌مێ ده‌ستويرداى ژ بۆ ژێبرنا نامه‌يێن ڤرێكرى هاته درێژكرن.
ل گۆره‌ى مالپه‌رێن ته‌كنولوژيايێ؛ بكارهينه‌ر ژ نوكه وێڤه دشێت نامه‌يا هاتيه ڤرێكرن پشتى 60 ده‌مژمێران ژ ڤرێكرنا وێ ژێببه‌ت، خۆ ئه‌گه‌ر كه‌سێ به‌رانبه‌ر نامه خواند بيت ژى.
ساخله‌تێ ژێبرنا نامه‌يان نه خزمه‌ته‌كا نوى يه، به‌لكو هه‌ر ژ سالا 2017 به‌رده‌ست ببوو، لێ د درێژيا سالێن بۆرى دا پێدڤى بوو بكارهينه‌ر د ماوه‌يێ ده‌مژمێره‌ك و هه‌شت خۆله‌ك و 16 چركه‌يان دا ژێببه‌ت.
ل گه‌ل گوهۆڕينا نوى، بكارهينه‌ر دشێت تا كو 60 ده‌مژمێران ئانكۆ دو رۆژ و نيڤان ژ ڤرێكرنا نامه‌يێ، نامه‌يا خۆ ديلێت بكه‌ت و ژ ده‌ف هه‌ردو لايان دهێته ژێبرن.
