مقه‌دم پوشۆ خالد، جێگرێ فه‌رمانده‌یێ به‌تالیۆنا ئێك سه‌ر ب لیوا 18 یا په‌یاده‌ یا پێشمه‌رگه‌یێ كوردستانێ، كو د شه‌ڕێ چیایێ قه‌ره‌چۆخ یێ دناڤبه‌را پێشمه‌رگه‌ى و سوپایێ ئیراقێ دا ل 22ى ڤێ هه‌یڤێ بریندار ببوو، سپێده‌هیا ئه‌ڤرۆ ژبه‌ر گرانیا برینێن وى گه‌هشته‌ كاروانێ شه‌هیدان

ئه‌ڤرۆ وه‌زاره‌تا پێشمه‌رگه‌ى یا هه‌رێما كوردستانێ د راگه‌هاندنه‌كێ دا به‌لاڤكر، مقه‌دم پوشۆ خالد، جێگرێ فه‌رمانده‌یێ به‌تالیۆنا ئێك سه‌ر ب لیوا 18 یا په‌یاده‌ یا وه‌زاره‌تا پێشمه‌رگه‌ى، كو چه‌ند رۆژه‌كن ب بریندارى ل نه‌خۆشخانه‌یێ چاره‌سه‌ریا وى دهاته‌ كرن، لێ مخابن ئه‌ڤرۆ ژبه‌ر گرانیا برینێن وى گه‌هشته‌ كاروانێ شه‌هیدان.

ئێڤارا رۆژا 22ى ڤێ هه‌یڤێ ل چایێ قه‌ره‌چۆخ شه‌ڕى دناڤبه‌را هێزێن پێشمه‌رگه‌یێ كوردستانێ و سوپایێ ئیراقێ دا روى دا لسه‌ر وان 4 خالێن گه‌ریلایێن په‌كه‌كێ چۆلكرین، د ئه‌نجام دا هژماره‌كا پێشمه‌رگه‌یان شه‌هیدبوون كو ب شه‌هیدبوونا مقه‌دم پوشۆ خالد هژمارا وان بوونه‌ 4 شه‌هید و هژماره‌كا دى برینداربووینه‌، 2 سه‌ربازێن ئیراقێ ژى هاتبوونه‌‌ كوشتن و 8 بریندرابوون.