گاڤ

وه‌زاره‌تا بازرگانییا ئیرانێ راگه‌هاند، سالا 2023یێ ب 5 ملیار دۆلاران ئیرانێ كه‌سكاتى و فێقى ره‌وانه‌یى ئیراقێ كریه‌ و ئیراق ل رێزا ئێێ یا وان وه‌لاتان دهێت یێن پێدڤییان ژ ئیرانێ دكڕن.

ل ده‌مه‌كى پترییا ئه‌و كه‌سكاتى و فێقیێ ژ ئیرانێ بۆ ئیراقێ دهێت ل ناڤا ئیراقێ دهێته‌ چاندن، لێ نه‌پشته‌ڤانیكرنا حكومه‌تا ئیراقێ ل وى كه‌رتى جۆتیار نه‌چاركرینه‌ وان به‌رهه‌مان نه‌چینن.

رۆحوللا له‌تیفى، په‌یڤدارێ وه‌زاره‌تا بازرگانییا ئیرانێ راگه‌هاند، سالا بۆرى 2023یێ ئیرانێ ب 5 ملیار دۆلاران كه‌سكاتى و فێقى ره‌وانه‌یى ئیراقێ كریه‌ و ئیراق ل رێزا ئێكێ یا وان وه‌لاتان دهێت یێن تشتان ژ ئیرانێ دكڕن.

هه‌روه‌سا دیاردكه‌ت، ئه‌و پێشبینى دكه‌ن ئاستێ هنارتنێ بۆ ئیراقێ ئه‌ڤساله‌ بۆ دو ملیار دۆلاران بهێته‌ بلندكرن.