گاڤ

ئیراقێ هنارده‌كرنا په‌ترۆلێ بۆ ئه‌مریكا د حه‌فتییا بۆرى دا كێمكریه‌ و رۆژانه‌ وه‌ك تێكرا 176 هزار به‌رمیل هنارده‌كرینه‌.

كارگێرییا زانیاریێن وزه‌یێ یا ئه‌مریكى ئه‌ڤرۆ ئێكشه‌مبیێ راگه‌هاند "د حه‌فتیا بۆرى دا، ئیراقێ رۆژانه‌ وه‌ك تێكرا 176 هزار به‌رمیلێن په‌ترۆلێ هنارده‌ى ئه‌مریكا كرینه‌".

ديار ژى كریه‌ "هنارده‌كرنا په‌ترۆلا ئیراقێ بۆ ئه‌مریكا د حه‌فتییا بۆرى دا ب بڕێ 64 هزار به‌رمیلان رۆژانه‌ كێمبوویه‌ ب هه‌ڤبه‌ركرن ل گه‌ل حه‌فتییا به‌رى وێ كو تێدا تێكرایێ رۆژانه‌ یێ هنارده‌كرنێ 240 هزار به‌رمیل بوون".

هه‌ر ل گۆره‌ى خشته‌یێن كارگێریێ "كه‌نه‌دا ل حه‌فتییا بۆرى ل رێزا ئێكێ بۆ هنارده‌كرنا په‌ترۆلێ بۆ ئه‌مریكا ب تێكرایێ 3 ملیۆن و 632 هزار به‌رمیلان رۆژانه‌ هات، ل دویڤ دا مه‌كسیك ب تێكرایێ رۆژانه‌ یێ 640 هزار به‌رمیلان و سعوودیه‌ ب تێكرایێ رۆژانه‌ یێ 366 هزار به‌رمیلان ل رێزا سیێ هات".