حكومه‌تا ئیراقێ: پاره‌داركرنا مووچه‌یێن هه‌رێما كوردستانێ دێ به‌رده‌وام بیت
بەلاڤ بکە
گاڤ
په‌یڤدارێ حكومه‌تا ئیراقێ راگه‌هاند؛ پاره‌داركرنا مووچه‌یێن هه‌رێما كوردستانێ دێ به‌رده‌وام بیت و وه‌زاره‌تا دارایى یا ئیراقێ یا پێگیره ب پاره‌داركرنا هه‌رێما كوردستانێ.
باسم عه‌وادى ئه‌ڤرۆ چارشه‌مبیێ بۆ ئاژانسا نووچه‌یان یا ئیراقى راگه‌هاند؛ پاره‌داركرنا مووچه‌یێن فه‌رمانبه‌رێن هه‌رێما كوردستانێ دێ به‌رده‌وام بیت و چ راستى بۆ راوه‌ستیانا پاره‌داركرنێ نینن.
دیار ژى كر؛ پاره‌داركرنا مووچه‌یێن فه‌رمانبه‌رێن هه‌رێما كوردستانێ دێ ل گۆره‌ى رێكارێن نوكه و ب هه‌ڤكارى ل گه‌ل حكومه‌تا هه‌رێما كوردستانێ دێ به‌رده‌وام بیت و چ راستى بۆ راوه‌ستاندنا پاره‌داركرنێ نینن.
گۆت ژى "وه‌زاره‌تا دارایى یا ئیراقێ یا پێگیره ب پاره‌داركرنا هه‌رێما كوردستانێ بۆ دانا مووچه‌یێن فه‌رمانبه‌رێن هه‌رێما كوردستانێ بۆ هه‌یڤا ئادارێ ل گه‌ل گرنگییا هه‌ماهه‌نگیێ ل گه‌ل وه‌زاره‌تا دارایى ل هه‌رێما كوردستانێ ژ بۆ بله‌زكرنێ ل پرۆسێسا ته‌مامكرنا خۆجهكرنا مووچه‌یان د به‌نكان دا".
