جڤاتا نوینهرێن ئهمریكا پرۆژهیاسایا قهدهغهكرنا تیك تۆكى پهسهندكر
03/13/2024 - 22:45
گاڤ
پشتى بگرۆڤهكێشهكا درێژ جڤاتا نوینهرێن ئهمریكا پرۆژهیاسایا قهدهغهكرنا تیك تۆكى ل ئهمریكا پهسهندكر.
جڤاتا نوینهرێن ئهمریكا ئهڤرۆ چارشهمبیێ پرۆژهیاسایهك پهسهندكر كو ل سهر تیك تۆكى سهپاندیه خۆ ژ كۆمپانیا بایت دانس یا چینى دویر بكهت.
352 پهرلهمانتاران دهنگ ب پرۆژهیاسایێ دا و 65 پهرلهمانتار ل دژى وێ بوون.
د نوكه دا، پێدڤیه جۆ بایدن سهرۆكێ ئهمریكا ئیمزایێ ل سهر پرۆژهیاسایێ ئهوا ب ناڤێ ’پاراستنا ئهمریكییان ژ ئهپلیكهیشنێن بیانى یێن ههڤڕك یێن دكهڤنه ل بن چاڤدێریێ’ بكهت دا كو ببیته یاسا.
بهرى نوكه بهرپرسێن ئهمریكى كۆمپانیا بایت دانس یا چینى خۆدانا تیك تۆكى ب سیخۆریكرنێ ل سهر ئهمریكییان ب رێكا ئهپلیكهیشنێ تیك تۆكى تۆمهتباركربوون.