سامسۆنگ دێ چار به‌رهه‌مێن نوى راگه‌هینیت
بەلاڤ بکە
گاڤ
كۆمپانییا سامسۆنگ د ئێڤێنتا خۆ یا بهێت دا ل هه‌یڤا خزیرانێ دێ چار ئامیره‌یێن نوى راگه‌هینیت ژ وان ژى دو جۆرێن موبایلانه.
مالپه‌رێ SamMobile ژ هنده‌ك ژێده‌ران ڤه‌گوهاستیه "كۆمپانییا سامسۆنگ دێ ل رۆژا 10ى خزیرانێ ئێڤێنتا خۆ یا بهێت ب ناڤێ Galaxy Unpacked گێریت"، هه‌رچه‌نده كۆمپانییێ تا نوكه ئه‌ڤ چه‌نده پشتراست نه‌كریه.
ل گۆره‌ى پێشبینییان، سامسۆنگ د ئێڤێنتا خۆ یا خزیرانێ دا دێ ڤان به‌رهه‌مان راگه‌هینیت:
1. موبایلا Galaxy Z Fold 6: ئێك ژ موبایلێن سامسۆنگێ یه یێن دهێنه چه‌ماندن و د ڤێرژنێ نوى دا موبایل سڤكتره ژ ڤێرژنێن به‌رى وێ ل گه‌ل باشتركرنا كوالێتییا شاشه‌یا موبایلێ.
2. موبایلا Galaxy Z Flip 6: دهێته چاڤه‌رێكرن هنده‌ك ئه‌پدێتێن باشتركرنێ یێن گرێداى كامیره‌یێ و پرۆسێسه‌رى د ڤێرژنێ نوى یێ وێ موبایلا دهێته چه‌ماندن دا هه‌بن.
3. گوستیلا Galaxy Ring: ره‌نگه د هه‌یڤا خزیرانێ دا سامسۆنگ وێ گوستیلێ بێخیته د بازاران دا.
4. ده‌مژمێرا Galaxy Watch 7: دهێته چاڤه‌رێكرن كۆمپانییا سامسۆنگ ده‌مژمێرا خۆ یا سمارت یا ب ناڤێ Galaxy Watch 7 ل خزیرانێ به‌رده‌ست بكه‌ت و ل گۆره‌ى مالپه‌رێ SamMobile دێ گوهۆڕینێن رهوریشالى تێدا هه‌بن.
