گاڤ
كه‌نه‌دا راگه‌هاند كو ئه‌و پێداچوونه‌كا ئه‌منى د ئه‌پلیكه‌یشنێ تیك تۆكى دا دكه‌ن و پاشى دێ بڕیارێ ل دۆر ده‌ن.
فرانسوا شامپه‌ین وه‌زیرێ پیشه‌سازى و زانست و ته‌كنولۆژیایێ یێ كه‌نه‌دا ئه‌ڤرۆ ئه‌ینیێ راگه‌هاند "ئه‌م پێداچوونه‌كا ئه‌منى بۆ تیك تۆكى دكه‌ین و پاشى دێ بڕیارا پێدڤى ل دۆر ده‌ین".
كه‌نه‌دا د سالا بۆرى دا، بڕیارا قه‌ده‌غه‌كرنا بكارئینانا تیك تۆكى ژ لایێ فه‌رمانبه‌رێن كه‌نه‌دا ڤه‌ دا بوو و بزاڤ دهێنه‌ كرن ب ته‌مامى ئه‌و ئه‌پلیكه‌یشن بهێته‌ قه‌ده‌غه‌كرن.
جڤاتا نوینه‌رێن ئه‌مریكا ل چارشه‌مبییا بۆرى پرۆژه‌یاسایا قه‌ده‌غه‌كرنا تیك تۆكى ل سه‌رانسه‌رى ئه‌مریكا په‌سه‌ندكربوو، ئه‌ڤ چه‌نده‌ هات پشتى به‌رپرسێن ئه‌مریكى كۆمپانیا بایت دانس یا چینى خۆدانا تیك تۆكى ب سێخۆریكرنێ ل سه‌ر ئه‌مریكییان بۆ ده‌ستهه‌لاتا چینێ تۆمه‌تباركرى.