ژیرییا دهستكرد چهوا كارتێكرنێ ل ژیانا مرۆڤان دكهت؟
گاڤ
لێكۆلینهكا نوى كو ژ لایێ ئینستیتیۆتا پاشهرۆژا كارى ڤه هاتیه ئهنجامدان ئاشكرا كریه؛ ههبوونا ئالاڤێن ژیرییا دهستكرد ل جهێ كارى كارتێكرنهكا نهرێنى ل سهر مرۆڤان كریه.
مالپهرێ indiatoday ژ لێكۆلینێ ڤهگوهاستیه "ههبوونا تهكنیكێن نوى ل جهێ كارى وهكى ئامیرهیێن دویڤچوونێ، رۆبۆت و پرۆگرامێن ژیرییا دهستكرد رهنگه ب نهرێنى كارتێكرنێ ل سهر ژیانا مرۆڤان بكهن".
لێكۆلین ل سهر 6000 كهسان هاتبوو كرن ژ بۆ دیاركرنا كارتێكرنا تهكنیكێن جودا جودا ل سهر خۆشگۆزهرانییا مرۆڤى.
لێكۆلین ئاشكرا دكهت "ههبوونا پرۆگرامێن ژیرییا دهستكرد، ئامیرهیێن چاڤدێریێ و رۆبۆتان ل جهێ كارى بووینه ئهگهرێ تێكچوونا ساخلهمی و خۆشگۆزهرانییا كارمهندان".
لێكۆلینێ ئهگهرێن دروست یێن ڤێ چهندێ دیار نهكرینه، لێ رهنگه ئهو تهكنینه ببنه ئهگهرێ نهمانا ئاساییشا كارى، زێدهبوونا زهحمهتییا كارى و نهمانا سهربخۆبوونێ.
د بهرانبهر دا؛ بكارئینانا تهكنیكێن زانیارییان و پهیوهندییان یێن كلاسیك وهكى لاپتۆپان و نامهیێن ئێكسهر د شیان دایه كارتێكرنهكا ئهرێنى ل سهر ساخلهمییا گشتى یا تاكهكهسى بكهت.
گهلهك لێكۆلینان بهرى نوكه ژى بهحسێ مهترسییا ژیرییا دهستكرد ل سهر پاشهرۆژا كارى یا ب ملیۆنان فهرمانبهر و كارمهند و خۆدان پیشهیان كرینه.