دێ لێكۆلین ل گه‌ل كۆمپانیێن ئه‌پل و مێتا و گووگل ده‌ستپێكه‌ن
بەلاڤ بکە
گاڤ
دێ لێكۆلین ل گه‌ل كۆمپانیێن ئه‌پل و مێتا و گووگل ژ به‌ر تۆمه‌تێن بنپێكرنا یاسایا بازارێن دیجیتال یا ئه‌ورۆپى ده‌ستپێكه‌ن و ره‌نگه د ئه‌ڤ ساله دا ب كۆژمه‌یێن مه‌زن یێن پاره‌ى بهێنه سزادان.
ژماره‌یه‌كا ژێده‌ران ئه‌ڤ چه‌ند پشتراستكرینه و دیار دكه‌ن "كۆمیسیۆنا ئه‌ورۆپى د رۆژێن بهێت دا دێ ده‌ستپێكرنا لێكۆلینان راگه‌هینیت و ره‌نگه به‌رى هه‌یڤا چرییا دوێ یا بهێت بڕیار ل دۆر وان كۆمپانیان بهێنه دان".
ره‌نگه ژ به‌ر بنپێكرنێن یاسایا بازارێن دیجیتال یا ئه‌ورۆپى، ژماره‌یه‌كا كۆمپانیێن ته‌كنولۆژى ب رێژه‌یا نزیكى 10% ژ یا داهاتێ وان بهێنه سزادان، وه‌كى ژێده‌رێن نووچه‌یان ئاماژه‌پێكرین.
یاسایا بازارێن دیجیتال یا ئه‌ورۆپى دوپاتیێ ل سه‌ر گرنتیكرنا یه‌كسانییا ده‌لیڤه‌یێن هه‌ڤڕكیێ و خۆدویركرنێ ژ قۆرخكرنا بازارى دكه‌ت.
تا نوكه كۆمپانیێن ئه‌پل و مێتا و گووگل كۆمێنتا خۆ ل سه‌ر ڤى بابه‌تى نه‌داینه.
