ئیراقێ رۆژانه 252 هزار بهرمیلێن پهترۆلێ هناردهى ئهمریكا كرینه
گاڤ
ئیراقێ هناردهكرنا پهترۆلێ بۆ ئهمریكا د حهفتییا بۆرى دا ب شێوهیهكێ بهرچاڤ زێدهكریه و رۆژانه وهك تێكرا 252 هزار بهرمیل هناردهى وى وهلاتى كرینه.
كارگێرییا زانیاریێن وزهیێ یا ئهمریكى ئهڤرۆ ئێكشهمبیێ راگههاند "د حهفتیا بۆرى دا، ئیراقێ رۆژانه وهك تێكرا 252 هزار بهرمیلێن پهترۆلێ هناردهى ئهمریكا كرینه".
ديار ژى كریه "هناردهكرنا پهترۆلا ئیراقێ بۆ ئهمریكا د حهفتییا بۆرى دا ب بڕێ 159 هزار بهرمیلان رۆژانه زێدهبوویه ب ههڤبهركرن ل گهل حهفتییا بهرى وێ كو تێدا تێكرایێ رۆژانه یێ هناردهكرنێ 93 هزار بهرمیل بوون".
ههر ل گۆرهى خشتهیێن كارگێریێ "كهنهدا ل حهفتییا بۆرى ل رێزا ئێكێ بۆ هناردهكرنا پهترۆلێ بۆ ئهمریكا ب تێكرایێ 3 ملیۆن و 735 هزار بهرمیلان رۆژانه هات، ل دویڤ دا مهكسیك ب تێكرایێ رۆژانه یێ 353 هزار بهرمیلان ل رێزا دوێ و كولۆمبیا ب تێكرایێ رۆژانه یێ 289 هزار بهرمیلان ل رێزا سیێ هاتن".
ئاماژه ب وێ چهندێ ژى كریه "ئهمریكا د حهفتییا بۆرى دا رۆژانه وهك تێكرا 5 ملیۆن و 201 هزار بهرمیلێن پهترۆلێ ژ ههشت وهلاتێن سهرهكى هاوردهكرینه ب زێدهبوونا ب بڕێ 510 هزار بهرمیلان رۆژانه ب ههڤبهركرن ل گهل حهفتییا بهرى وێ كو تێدا تێكرایێ رۆژانه یێ هاوردهكرنێ 4 ملیۆن و 691 هزار بهرمیل بوون".