بهایێ بهرمیلهكێ پهترۆلێ نزیكى 92 دۆلاران دبیت
گاڤ
بهایێن پهترۆلێ د بازارێن جیهانێ دا گههشتنه بلندترین ئاستێ حهفت ههیڤێن بۆرى و بهایێ بهرمیلهكێ پهترۆلا برێنت گههشته نزیكى 92 دۆلاران.
ههڤدهم ل گهل گرژیێن جیۆسیاسى ل رۆژههلاتا ناڤین و نیگهرانیێن ل دۆر كێمبوونا پهترۆلێ د بازاران دا، بهایێن پهترۆلێ ل ئێڤارییا ئهڤرۆ ئهینیێ بلندبوونهكا بهرچاڤ و ب رێژهیا 2% تۆماركرن.
ئاژانسان بهلاڤكرینه؛ بهایێ پهترۆلا برێنت ب رێژهیا 2.45% بلند بوو و بهایێ بهرمیلهكێ گههشته 91.94 دۆلاران.
ههڤدهم بهایێ پهترۆلا رۆژئاڤایێ تێكساس یا ناڤنجى یا ئهمریكى WTI ژى ب رێژهیا 2.78% بلند بوو و بهایێ بهرمیلهكێ گههشته 87.38 دۆلاران.
بهایێن پهترۆلێ ئهڤرۆ گههشتنه بلندترین ئاست د دهمێ نزیكى 7 ههیڤێن بۆرى دا و ئالۆزیێن ل رۆژههلاتا ناڤین و ب تایبهت دناڤبهرا ئیرانێ و ئسرائیلێ دا ب ئێك ژ ئهگهرێن سهرهكى یێن بلندبوونا بهایێن پهترۆلێ دهێته هژمارتن.