گاڤ

سه‌رۆكێ هه‌رێما كوردستانێ په‌یامه‌ك د یادا كیمابارانكرنا بالیسان و شێخ وه‌ساندان و دۆلا خۆشناوه‌تى به‌لاڤكر و راگه‌هاند، ئه‌و ده‌ڤه‌ر زێده‌تر پێدڤى ب گرنگیپێدانه‌كا زێده‌تره‌.

نێچیرڤان بارزانى، سه‌رۆكێ هه‌رێما كوردستانێ گۆت: "د یادا 16ى نیسانا ب ئازار یا 37 سالییا كیمابارانكرنا بالیسان و شێخ وه‌سانان و دۆلا خۆشناوه‌تى سلاڤ بۆ گیانێ پاقژێ شه‌هیدان و سلاڤ بۆ كه‌سوكارێن به‌ربلند و ته‌ماما قوربانی و به‌ركه‌فتیێن وێ تاوانا رژێما پێشتر یا ئیراقێ دهنێرین و ب رێز ڤه‌ وێ یادێ ل بیر دئینین".

نێچیرڤان بارزانى دبێژیت: "كیمابارانكرنا وێ ناوچێ كو هه‌رده‌م مه‌كۆیێ شۆڕش و تێكۆشینا دژى سته‌م و دكتاتۆریه‌تێ بوویه‌ ژبۆ ئازادییا گه‌لێ كوردستانێ و قوربانییه‌كا مه‌زن ژى دایه‌ك ده‌ستپێكا تاوانا كیمابارانكرنا خه‌لكى و خه‌لكێ كوردستانێ بوو و بوویه‌ لاپه‌ڕه‌یه‌كێ ره‌ش یێ دیرۆكا ئه‌نجامده‌رێن وێ و نیشانا سته‌ملێكرنا گه‌لێ كوردستانێ بوو".

دیاركر ژى، خه‌لكێ جوامێر و نشتیمانپه‌روه‌رێ بالیسان و شێخ وه‌سانان و دۆلا خۆشناوه‌تى وه‌ك هه‌موو گه‌لێ كوردستانێ، نه‌بتنێ هه‌ر ب كیمابارانێ و ژێستاندنا ئاخ و ئاڤ و ئاسمانى، خۆ نه‌شكاندن، به‌لكو خۆراگرانه‌ دژى سته‌م و زۆیێ خه‌بات كرن و ژبه‌ر ڤێ یه‌كێ هه‌ژى خزمه‌ت و گرنگیپێدانه‌كا زێده‌ترن.

سلاڤ ژى بۆ هه‌موو خه‌لكێ دلسۆز ل ده‌ما كیمابارانێ یێ هاریكارییا لێقه‌ومییان كرین هه‌بوون كو گیانێ خۆ خستییه‌ مه‌ترسیێ دا دا برینداران رزگاربكه‌ن و چاره‌سه‌ر بكه‌ن.