گاڤ

وه‌زاره‌تا بازرگانى یا ئیراقێ ئه‌ڤرۆ چارشه‌مبیێ راگه‌هاند؛ ئیراقێ تێرا شه‌ش هه‌یڤێن بهێت گه‌نم و كه‌ره‌سته‌یێن خوارنێ هه‌نه‌.

ئه‌سیر غوریرى وه‌زیرێ بازرگانى یێ ئیراقێ د داخۆیانیه‌كێ دا گۆتیه‌ "ئیراقێ تێرا شه‌ش هه‌یڤان گه‌نم و كه‌ره‌سته‌یێن خوارنێ هه‌نه‌"، وه‌كى ئاژانسا رۆیته‌رز ئاماژه‌پێكرى.

ناڤهاتى به‌رى نوكه‌ ژى دیاركربوو كو ئیراقێ تێرا هه‌وجه‌ییا خۆ یا ناڤخۆیى گه‌نم هه‌یه‌ و پێشبینییا پێشڤه‌چوونه‌كێ بۆ كوالێتییا به‌رهه‌مئینانێ د ئه‌ڤ ساله‌ دا كربوو پشتى بكارئینانا ئالاڤێن چاندنێ و ئاڤدانێ یێن نوى.

به‌رى نوكه‌ ئیراقێ پشتبه‌ستنه‌كا مه‌زن ل سه‌ر گه‌نمێ هاورده‌كرى دكر و ب وێ چه‌ندێ ئیراق رویبروى زێده‌بوونا تێچوویێن هاورده‌كرنێ دبوو.