بهنكا ناڤهندى هۆشداریێ ژ هندهك پهیجێن ب شێوهیهكێ وههمى دۆلارى دفڕۆشن ددهت
بەلاڤ بکە
گاڤ
بهنكا ناڤهندى یا ئیراقى هۆشدارییهك دا وهلاتییان دا كو سهرهدهریێ ل گهل هندهك پهیجان ل سهر تۆڕێن جڤاكى نهكهن كو ب شێوهیهكێ نهدروست و وههمى دبێژن ئهو دۆلارى ب بهایێ فهرمى یێ 1320 دیناران بۆ ههر دۆلارهكێ دفڕۆشنه وهلاتییان.
بهنكا ناڤهندى د بهیانهكێ دا ئهڤرۆ چارشهمبیێ راگههاندیه "هندهك پهیجێن وههمى د تۆرێن جڤاكى دا ل بن ناڤێن كۆمپانیێن پارهگوهۆڕینێ یێن رێكپێداى ههنه، ئهو ب رێكا مالپهرێن جڤاكى دیار دكهن كو ئهو دۆلارى ب بهایێ فهرمى دفڕۆشن".
دیار ژى كریه "وهلاتى دچنه د لینكێن وان كۆمپانیێن وههمى داناین دا ژ بۆ وهرگرتنا ژڤانێ دانا دۆلارى ب گهشتیاران، ئهو مالپهرێن وههمى هندهك رێنمایان و راسپاردهیان ددهنه كهسێن زیانڤێكهفتى دا كو دینارى رادهستبكهن".
بهیانێ ژ رێڤهبهرییا چاڤدێریێ ل سهر سازیێن دارایى یێن نهبهنكى ڤهگوهاستیه "وهرگرتنا دۆلارى ب رێكا تۆماركرنا ئهلهكترۆنى ل سهر مالپهرێ سهرهكى یێ كۆمپانیێ یه ل سهر ئهنترنێتێ ئهگهر ههبیت و كریارا رادهستكرنا دینارى ب تنێ ل بارهگایێ كۆمپانیێ یه".
رێڤهبهریێ بۆ وان كهسێن دڤێن دۆلارى ب بهایێ فهرمى بكڕن راگههاندیه؛ یا گرنگه خۆ پشتراست بكهن، كۆمپانیێن موولهتپێداى د مالپهرێ فهرمى یێ بهنكا ناڤهندى دا ههنه ل سهر ڤى لینكى (https://cbi.iq/page/25) و دیاركر؛ دێ رێكارێن یاسایى بهرانبهر خۆدانێن وان پهیجێن وههمى یێن وان كۆمپانییان گرنه بهر.
