ئافاد: ئه‌ردهه‌ژه‌كێ ل ده‌ڤه‌ره‌كا سه‌ر ده‌ریایا ئیجه دا
بەلاڤ بکە
گاڤ
سه‌رۆكاتییا برێڤه‌برنا كاره‌ساتان و هه‌وارهاتنێ یا توركى راگه‌هاند؛ ئه‌ردهه‌ژه‌كا ب هێزا 4.5 ل گۆره‌ى پیڤه‌رى ریخته‌ر ل ده‌ڤه‌ره‌كا سه‌ر ده‌ریایا ئیجه دا.
ئافاد ئه‌ڤرۆ ئه‌ینیێ راگه‌هاند "ئه‌ردهه‌ژه‌كا ب هێزا 4.5 ل گۆره‌ى پیڤه‌رێ ریخته‌ر ل ده‌ڤه‌را سه‌فیریهیسار ل ویلایه‌تا ئیزمیر دا".
دیار ژى كریه "ئه‌ردهه‌ژ ب كویراتییا 6.97 كیلۆمه‌تران بوو و سه‌نته‌رێ وێ ب 27.65 كیلۆمه‌تران ژ ده‌ڤه‌را سه‌فیریهسیار ل ویلایه‌تا ئیزمیر یا دویر بوو".
ئاماژه ب وێ چه‌ندێ ژى كریه؛ چ زانیارى ل دۆر په‌یدابوونا زیانان نینن.
دوهى ژى ئه‌ردهه‌ژه‌كا ب هێزا 5.5 ل گۆره‌ى پیڤه‌رێ ریخته‌ر ل نزیك گوندێ سولوسه‌راى ل رۆژهه‌لاتێ توركیا دابوو.
ل گۆره‌ى مالپه‌رێ USGS؛ ئه‌ردهه‌ژه‌كا ب هێزا 5.5 ل گۆره‌ى پیڤه‌رێ ریخته‌ر دوهى پێنجشه‌مبیێ ل ده‌ڤه‌را سولوسه‌راى یا توركى یا گرێداى ویلایه‌تا توكات دابوو، كویراتییا ئه‌ردهه‌ژێ 10 كیلۆمه‌تر بوون.
