یه‌مه‌ن و ئیمارات: هێرشا ل سه‌ر كۆرمۆر ب توندى شه‌رمزار دكه‌ین
بەلاڤ بکە
گاڤ
هه‌ردو وه‌لاتێن یه‌مه‌ن و ئیمارات د دو به‌یانێن ژێكجودا دا هێرشا شڤێدى یا ل سه‌ر كێلگه‌ها كۆرمۆر ل قه‌زایا چه‌مچه‌مال شه‌رمزاركرن.
وه‌زاره‌تا ده‌رڤه یا یه‌مه‌نێ د به‌یانه‌كێ دا ئه‌ڤرۆ شه‌مبیێ راگه‌هاند "ب توندترین شێوه هێرشا ل سه‌ر كێلگه‌ها كۆرمۆر یا غازێ ل هه‌رێما كوردستانێ شه‌رمزار دكه‌ین"، د هێرشا شڤێدى دا، چار كارمه‌ندێن یه‌مه‌نى شه‌هید ببوون و دو یێن دى بریندار ببوون.
دیار ژى كریه "د په‌یوه‌ندیێن به‌رده‌وام داینه ل گه‌ل ئیراقێ و هه‌رێما كوردستانێ بۆ زانینا هویركاتیێن رویدانێ".
هه‌روه‌سا وه‌زاره‌تا ده‌رڤه یا ئیماراتێ د به‌یانه‌كێ دا نڤیسیه "هێرشا تیرۆرستى یا درۆنى ل سه‌ر كێلگه‌ها كۆرمۆر ب توندى شه‌رمزار دكه‌ین كو تێدا ژماره‌یه‌كا وه‌لاتیێن یه‌مه‌نى یێن بێگونه‌هـ گیانێ خۆ ژده‌ستدان".
دیار ژى كریه "ئیمارات هه‌ر هێرشه‌كا تیرۆرستى شه‌رمزار دكه‌ت كو ئارمانج ژێ تێكدانا سه‌قامگیرى و ئاساییشا ئیراقێ بیت".
به‌رى نوكه ژى ژماره‌یه‌كا وه‌لات و سازییان ژ وان ژى ئه‌مریكا، بریتانیا، فره‌نسا و ئێكه‌تییا ئه‌ورۆپى هێرشا شڤێدى یا ل سه‌ر كۆرمۆر شه‌رمزار كربوون.
