گاڤ – تایبەت 
بریارە سوبەهی لژنەیا موەلیدەیان یا پارێزگەها دهۆکێ دەربارەی رەوشا نوکە کۆم ببیت و گاڤ بهایێ پێشبینیکری یێ ئەمپێرێ کارەبێ بۆ ڤێ مەهێ ئاشکرا دکەت.
ل گۆرەی زانیارییێن گاڤ، لژنەیا موەلیدەیان ل پارێزگەها دهۆکێ سوبەهی رۆژا ئێکشەمبی دێ کۆم بیت و د کۆمبوونێ دا دێ بەحسێ رەوشا نوکە هێتە کرن کو ژ ئەگەرێ بۆمبەبارانکرنا کێلگەها کۆرمۆر، کارەبا نشتیمانی کێم بوویە.
گاڤ هەروەسا زانییە: ژبەر کێمبوونا دەمژمێرێن کارەبا نشتیمانی، نوکە رێک ب ژماره‌كا خودانێن موەلیدەیان هاتییە دان د 24 دەمژمێران دا، دەمژمێرەکێ بێهنا موەلیدەیێن خۆ ڤەدەن، ب مەرجەکی ئەو دەمژمێر نە د ناڤبەرا دەمژمێر 6:00ی مەغرەب تا 12:00ی شەڤێ دا بیت.
گاڤ ژ ژێدەرەکێ تایبەت ئاشکرا دکەت: هەرچەندە تا دویماهییا مەهێ بهایێ ئەمپێرێ کارەبێ ب دروستی ناهێتە زانین، لێ تا دوهی رۆژا ئەینی دەمژمێر 12:00 شەڤ، موەلیدەیان ل دهۆکێ 220 دەمژمێران کارکرییە و ئەگەر کارکرنا وان هەر ب وێ رێژەیێ بیت یا تا دوهی هاتییە تۆمارکرن، بهایێ ئێک ئەمپێرێ کارەبێ دێ د ناڤبەرا 14 تا 15 هزار دیناران دا بیت.