گاڤ – تایبەت 
یاسایا بەرهنگارییا لەشفرۆشییێ بوویە بابەتێ جاددە و میدیایا ئیراقى و پەڕلەمانێ ئیراقێ ژى ئەڤرۆ ب کۆمەکا گهۆرینان ڤە ئەو یاسایە راستڤەکر و سزایێ سێدارەدانێ ژێ دەرخست.
پەرلەمانێ ئیراقێ ئەڤرۆ یاسایا بەرهنگارییا لەشفرۆشییێ راستڤەکر و ل گۆرەی یاسایا راستڤەکری: هەر کەسێ زنایێ ژ جارەکێ پتر ب پارە یان بێی پارە بکەت، دێ ب تاوانبار هێتە هەژمارتن و هەر زەلامێ کریارا سێکسی ل گەل زەلامەکی بکەت یان هەر ژنەکا وێ کریارێ ل گەل ژنەکێ بکەت، دێ ب تاوانبار هێتە هەژمارتن.
د راستڤەکرنا یاسایێ دا بەحسێ وان کەسان ژی هاتییە کرن یێن هەڤژینێن خۆ بۆ مەرەما سێکسی لێک دگوهۆڕن و هەروەسا کەسێن ناڤبەینکارییێ بۆ کریارێن سێکسی دکەن یان یێن ئاڤاهییان بۆ وان جهان دابین دکەن و ئەو ژی ب تاوانبار دهێنە هەژمارتن.
ل گۆرەی راستڤەکرنا یاسایێ، گوهۆڕینا رەگەزی ژی ل ئیراقێ تاوانە، بتنێ ئەگەر بۆ مەرەمێن ساخلەمییێ و ب راپۆرتا لژنەیێن نوشداری و دادگەهێ نەبیت.
سزایێن د ڤێ یاسایێ دا هاتینە دیارکرن ب ڤی رەنگی نە: سزایێ زیندانێ کو نابیت ژ 7 سالێن زیندانکرنێ زێدەتر بیت و سزایێ پارەی ژی د ناڤبەرا 5 بۆ 10 ملیۆن دیناران دایە.