کۆنفرانس و ههلبژارتنێن ناڤخۆیی یێن حزبێن سیاسی
هەلبژارتن پرۆسەکا دیمۆکراسی یا گرنگە ژ بۆ پتر شەفافیەتێ و پشكداریكرنا کاریگەر یا ئەندامان د بڕیاردانێ دا. هەلبژارتن میکانیزمەکا جەوهەرییە ژ بۆ پشتراسبوونێ ژ زڤڕینا دەستهەلاتێ دناڤا حزبێ دا، چالاککرنا بنەمایێن شەفافیەتێ و بهێزکرنا پابەندبوونێ یهب بنەمایێن دیموکراسیەتێ.
گرنگییا هەلبژارتنان د ناڤا حزبان دا
ههلبژارتنێن ناڤخۆ ڕێکەکا کاریگەرە بۆ پێشڤەبرنا دیمۆکراسیێ دناڤا حزبێ دا ب ڤان رێکان:
1. بلندکرنا شەفافیەت و لێپرسینێ :
ههلبژارتن دەرفەتێ دەدەتە ئەندامان بۆ ههلبژارتنا ڕاستەوخۆ یا سەرکردە و نوێنەرێن خۆ، ئەڤە ژی شەفافیەتا بڕیاردانێ زێدە دکەت.
2. نویکرنا خوینێ :
ههلبژارتنێن حزبێ دێ رێکێ ب ڕووخسارێن نوی و بیرۆکێن داهێنەر دەت بۆ پێکهاتا رێڤەبرنێ.
3. زێدەکرنا رێژا بەشداریکرنێ :
هەلبژارتن هاندانا ئەندامان د دەت پتر پشكدارى چالاکیێن حزبی و سیاسی ببن، ئەڤەژی پشكدارى یه د هاندانا ژیانا حزبی دا.
4. بنیاتدانانا باوەریێ :
ههلبژارتنێن ناڤخۆیی باوەریێ د ناڤبەرا ئەندامان و سەرکردایەتیێدا ب هێز دکەن، چونکی ئەندام هەست دکەن کو دەنگەکێ کاریگەر یێ هەی د بڕیارێن پارتا خودا.
ههلبژارتنێن ناڤا حزبان هەژمارەکا رێکاران بخوڤە دگریت:
1. ڕاگەهاندنا ههلبژارتنان:
پێتڤیە حزب ب فەرمی ههلبژارتنان ڕابگەهینیت و د دەمێ پێتڤی دا، بۆ وێ یەکێ رێکێ ب ئەندامان بدەت خۆ ئامادە بکەن و خۆ کاندید بکەن.
2. دیارکرنا مەرجان:
دانانا رێنمایێن ڕوون بۆ کاندیدکرن و دەنگدانێ، ب مەبەستا پشتراستبوون ژ دەرفەتا یەکسانیێ بۆ هەمی ئەندامان.
3. پێکئینانا لیژنەکا ههلبژارتنان :
دانانا لیژنەکا سەربەخۆ بۆ سەرپەرشتیکرنا ههلبژارتنان، بۆ پشتراستبوون ژ دەستپاکی و شەفافیەتێ.
4. ڕێکارێن دەنگدانێ :
بکارئینانا میکانیزما دەنگدانا شەفاف و باوەرپێکری، چ ئەلکترۆنی بیت یان کاغەز.
5. ڕاگەهاندنا ئەنجامان :
ڕاگەهاندنا ئەنجامان ب شەفافیەت، و پێشکێشکرنا ڕاپۆرتا هیر لسەر پرۆسا ههلبژارتنان.
سەرەڕای گرنگیا ههلبژارتنێن ناڤا حزبێ، هەروەسا دێ ڕووبڕووی هندەک هەڤرکیا بیت، ژ وانا:
1. دەستکاریکرن و ساختەکاری :
پێکولێن دەستکاریکرنا ئەنجامان یان سەختەکاریێ، کو دێ زیانێ ب پرۆسێ گەهینیت.
2. دابەشبوونا ناڤخویی :
هەڤرکیا ههلبژارتنان ڕەنگە ببیتە ئەگەرێ دابەشبوون و ململانێ دناڤا حزبێ دا، ئەگەر ب شێوەیەکێ ژیرانە نەهێتە برێڤەبرن.
3. نەبوونا شەفافیەتێ :
نەبوونا ڕوونکرنێ د ڕێکار و ستاندارداندا ڕەنگە ببیتە ئەگەرێ ژ دەستدانا باوەریێ د پرۆسا ههلبژارتنان دا.
ل دوماهیێ دێ بێژم ههلبژارتنێن ناڤخویی یێن پارتێن سیاسی پرۆسەیەکە بۆ پێشڤەبرنا دیموکراسی و شەفافیەتێ و بەشداریکرنا کاریگەر یا ئەندامان.
سەرەرای وان هەڤرکیێن روویبرووی دبن، لێ دێ هەر مینیت باشترین پرۆسە ژ بۆ گەرەنتیکرنا خوینا نوی دناڤا سەرکردایەتیا پارتان دا، بەرپاکرنا باوەریێ دناڤا ئەندام و سەرکردایەتیێ دا، دیسان پابەندبوون ب ستانداردێن دیموکراسیەتێ د هەمی قوناغێن پروسا هەلبژارتنان دا، حزبێن سیاسی دشێن بەردەوامیێ بدەنە سەرکەفتنا خو بۆ بدەستڤەئینانا ئارمانجێن خو و خزمەتکرنا خەلکێ خو.
کاروان سالح
قوتابیێ ماستەرێ ب سیاسەت و پەیوەندیێن نیڤدەولەتی (زانکویا کوردستان هەولێر)