گاڤ 
ئەڤرۆ سپێدێ هەلبژارتنێن سەرۆکاتییا ئیرانێ ب هەڤڕکییا 4 بەربژاران و پشکدارییا ب دەهان ملیۆن کەسان دەستپێکرن.
ئەڤرۆ سپێدێ ل دەمژمێر 8:00 ب دەمێ تەهرانێ، هەلبژارتنێن دیارکرنا سەرۆکێ نوی یێ کۆمارا ئیسلامی یا ئیرانێ دەستپێکرن و د هەلبژارتنان دا، محەمەد باقر قالیباف، سەرۆکێ خۆلا نوکە یا پەرلەمانێ ئیرانێ،  مەسعوود پزیشکییان، ئەندامێن پەرلەمانێ ئیرانێ ژ سالا 2008ێ تا خۆلا نوکە، مستەفا پۆرمحەمەدی، سکرتێرێ گشتی یێ کۆمەلا رۆحانیەتا خەباتکار و سەعید جەلیلی، ئەندامێ جڤاتا دیارکرنا بەرژەوەندییێن ئیرانێ و نوینەرێ خامنەیی ل جڤاتا بلند یا ئاساییشا نشتیمانی یا ئیرانێ هەڤڕکییێ دکەن.
د هەلبژارتنێن سەرۆکاتییا ئیرانێ دا، پتری 61 ملیۆن کەسان مافێ دەنگدانێ هەیە، دەنگدان ل ناڤخۆ و ژ دەرڤەی ئیرانێ دهێتە کرن. ل ناڤ ئیرانێ 24 هزار و 522 سندۆقێن دەنگدانێ ل سەنتەرێ باژێڕان و 24 هزار و 118 سندۆق ل گوندان هاتینە دانان، ژ دەرڤەی ئیرانێ ژی، بنگەهێن دەنگدانێ ل 95 وەلاتان هەنە کو ئیراق ئێک ژ دیارترینێن وانە.