سه‌رۆك بارزانى و سه‌رۆكێ حكومه‌تێ ل گه‌ل باليۆزێ فاتيكانێ ل ئيراقێ كۆمبوون
بەلاڤ بکە
گاڤ نيوز
هه‌ر ئێك ژ سه‌رۆك بارزانى و سه‌رۆكێ جڤاتا وه‌زيرێن هه‌رێمێ ئه‌ڤرۆ پێنجشه‌مبيێ د دو ديدارێن جودا دا ل گه‌ل باليۆزێ فاتيكانێ ل ئيراقێ كۆمبوون و تێدا ته‌كه‌زى ل سه‌ر كه‌لتۆرێ پێكڤه‌ژيانێ هاته كرن.
د راگه‌هاندنه‌كا باره‌گايێ بارزانى دا هاتيه؛ د كۆمبوونا سه‌رۆك بارزانى ل گه‌ل ميتجا لێسكۆڤار باليۆزێ فاتيكانێ ل ئيراقێ دا، باليۆزى ب توندى هێرشێن ئيرانێ بۆ سه‌ر ده‌ڤه‌رێن هه‌رێما كوردستانێ ئيدانه‌كرن و ئاماژه دا رۆلێ سه‌رۆك بارزانى و خه‌باتا گه‌لێ كورد د به‌رقه‌راركرنا ئاشتيێ و پێكڤه‌ژيانێ دا.
ژ لايێ خۆڤه، مه‌سرور بارزانى سه‌رۆكێ حكومه‌تا هه‌رێمێ ل گه‌ل باليۆزێ فاتيكانێ ل ئيراقێ كۆمبوو و تيدا ره‌وشا گشتى ل ئيراقێ، پێشڤه‌برنا په‌يوه‌نديێن هه‌رێما كوردستانێ و فاتيكانێ و بهێزكرنا پێكڤه‌ژيانێ ل هه‌رێما كوردستانێ هاتنه گه‌نگه‌شه‌كرن.
باليۆزێ فاتيكانێ د هه‌ردو ديداران دا رۆلێ هه‌رێما كوردستانێ و خه‌لكێ وێ د پێكڤه‌ژيانێ دا و پێشوازيكرنێ ل ئاواره‌يان ب گشتى و يێن كريستيان ب تايبه‌تى كر.
