نێتفلێكس دێ ڤێرژنه‌كێ ئه‌رزانتر بۆ پشكداران به‌رده‌ست كه‌ت
10/15/2022 - 22:22
بەلاڤ بکە
گاڤ نيوز
كۆمپانيا نێتفلێكس دێ ژ هه‌يڤا چريا دوێ يا بهێت خزمه‌ته‌كا نوى به‌رده‌ست كه‌ت ئه‌و ژى ڤێرژنێ ته‌ماشه‌كرنا فلمان و به‌لاڤكريێن وێ ب ريكلام ڤه لێ ب بوهايه‌كێ پشكداريا هه‌يڤانه يێ ئه‌رزانتر.
نێتفلێكس د 15 سالێن بۆرى دا، فلم و به‌لاڤكريێن خۆ بێى ريكلام بۆ پشكداران به‌لاڤ دكرن، لێ ژ به‌ر كێمبوونا ژماره‌يا پشكدارێن وێ، دێ ڤێرژنه‌كێ نوى يێ ئه‌رزانتر ل گه‌ل ريكلامان به‌رده‌ست كه‌ت.
ئه‌سوشيه‌يتد پرێس راگه‌هاند؛ بهايێ پشكداريێ د ڤێرژنێ نوى يێ به‌لاڤكرنێ ل گه‌ل ريكلامان دێ 7 دولاران بن هه‌يڤانه، ل ده‌مه‌كێ بهايێ پشكداريێ د ڤێرژنێ ته‌ماشه‌كرنا فلم و به‌لاڤكريان بێى دياربوونا ريكلامان دناڤ دا 15 دولار و نيڤن هه‌يڤانه.
