فوئاد حسێن بۆ وهزيرێ دهرڤه يێ ئيرانێ: بلا دانوستاندن ببيته رێكهچاره
گاڤ نيوز
جێگرێ سهرۆكوهزيرێ ئيراقێ و وهزيرێ دهرڤه د پهيوهنديهكا تهلهفۆنى دا ل گهل وهزيرێ دهرڤه يێ ئيرانێ داخواز كر كو دانوستاندن ببيته رێكهچاره ژ بۆ راوهستاندنا هێرشێن ئيرانێ ل سهر ههرێما كوردستانێ.
ل گۆرهى بهيانهكا وهزارهتا دهرڤه يا ئيراقێ؛ فوئاد حسێن د پهيوهنديهكا تهلهفۆنى دا ل گهل حسێن ئهمير عهبدللـههيان بهردهواميا هێرشێن ئيرانێ بۆ سهر ههرێما كوردستانێ ب كارهكێ مهترسيدار بناڤكر و دياركر؛ بلا دانوستاندن ببيته رێكهچاره ژ بۆ راوهستاندنا ڤان هێرشان.
د بهيانێ دا هاتيه ژى؛ وهزيرێ دهرڤه جارهكا دى تهكهزى ل سهر ههلويستێ ئيراقێ يێ ل دژى هێرشێن ئيرانێ كر و دوپاتكر كو ئهڤ هێرشه بووينه ئهگهرێ شههيدبوون و برينداربوونا مرۆڤان ههروهسا دهستدرێژيهكا ئاشكرايه بۆ سهر سهروهريا ئاخا ئيراقێ و ئێمناهيا وهلاتيێن وێ.
د دهمهكێ دى دا ژ ئهڤرۆ، وهزارهتا دهرڤه يا ئيراقێ د بهيانهكێ دا راگههاند بوو كو ئهو دێ رێكارێن دپلۆماسى يێن ئاست بلند ل دژى هێرشا ئيرانێ يا ئهڤرۆ ل سهر ههرێما كوردستانێ گريته بهر.
ئهڤرۆ ئیرانێ ب پێنج مووشهكان بارهگههێن حزبا دیموكراتا كوردستان – ئیران و كۆمهلا زهحمهتكێشان ل كۆیه و زرگوێز مووشهكبارانكربوون و تێدا 2 كهس شههید ببوون و 8 كهس بریندار ببوون.