گاڤ

بهایێ دۆلارێ ئەمریکی بۆ ئێکەم جار پشتی بریارا بەنکا ناڤەندی یا زێدەکرنا بهای، چوو د سەر 1500 دیناران دا.

ژێدەرەکی ژ بۆرسەیا دهۆکێ بۆ گاڤ گۆت "ئەڤرۆ پشتی نیڤرۆ بهایێ ئێک دۆلارێ ئەمریکی ل بۆرسەیا دهۆکێ گەهشتە 1550 دیناران و ئەڤە ئێکەم جارە پشتی بریارا بەنکا ناڤەندی بهایێ دۆلاری دگەهیتە وی ئاستی".

ل گۆرەی زانیاریێن گاڤ، هەر ئەڤرۆ ل بەغدا ژی بهایێ دۆلارێ ئەمریکی بەرانبەر دینارێ ئیراقی بلند بوویە و 100 دۆلارێن ئەمریکی دبنە 150250 سەد و پێنجی هزار و دوسەد و پێنجی دینارێن ئیراقی.

ل دوماهیا سالا 2020ێ بەنکا ناڤەندی یا ئیراقێ بریار دابوو بهایێ ئێک دۆلارێ ئەمریکی ژ 1190 دینارێن ئیراقی ببیتە 1450 دینار.