ما ده‌م نه‌هات ئێدى مووچه‌یێ فه‌رمانبه‌ران نه‌بیته به‌په‌له..؟!
بەلاڤ بکە
ئەمیر ئەترووشی
ل گه‌ل وه‌رگرتنا مووچه‌یێ هه‌یڤه‌كێ، مووچه ب ته‌مامى وه‌كو به‌لگێن دارا یێت وه‌ریێت، دیسان فه‌رمانبه‌ر دێ چاڤ كه‌ته سۆشیال میدیایێ و چاڤ ل هندێ یه، كه‌نگى دێ جاره‌كا مووچه هێته دان و په‌یجێن سۆشیال میدیایێ ژى ب بێ وژدانى دێ ب ده‌هان جاران نڤێسن به‌په‌له و هه‌رنه كۆمێنتێ.
هه‌تا لێ دزڤریت، جارا ئێكێ، كاك حكۆمه‌تێ بریار دا مووچه‌ى بده‌ت! یا دوویێ: كاك حكۆمه‌تێ ب رێیا وه‌زاره‌تا دارایى گۆتیه وه‌زاره‌تان لیستان فرێكه‌ن! مزگینیا سیێ بریاره ل حه‌فتیا بهێت مووچه‌ى بده‌ن! یا چارێ پاره گه‌هشته بانكان و چاڤه‌رێ بریارا بەلاڤکرنێ نه، یا پێنجێ ژ نوو لیست به‌لاڤ دبیت و فه‌رمانبه‌ر دێ رۆژ رۆژ خوینیت هه‌تا دورا وى یا وه‌رگرتنا مووچه و مافێ وى دهێت.
ب راستى ژى ئه‌گه‌ر مرۆڤ پێداچوونه‌كێ د ڤێ پرۆسێ دا بكه‌ت، ئه‌ڤه مه‌زنترین ترانه‌پێكرنه ب هه‌ستێن فه‌رمانبه‌رى.. كه‌نگى و ل كیش جیهانێ و ل كیژ چه‌رخى و ل كیش وه‌لاتى چێبوویه، مووچه و ماف و خوها فه‌رمانبه‌رى ببیته به‌په‌له و پێ ترانه‌كرن د ده‌ستێن سۆشیال میدیایێ دا كو پتریا وان په‌یجان ژى ب لێبوورین ڤه دێ بێژم هنده‌ك نه‌زان و بێ وژدان برێڤه‌دبه‌ن و خه‌لك ژى یێ كه‌فتیه به‌ندكێ وان و نەچاربووینه بكاربینن و بخوینن و دویڤچوونێ ل سه‌ر بكه‌ن و باوه‌ریێ ژى پێ بینن.
بۆ كاك حكۆمه‌تێ دبێژم، ده‌م هات ئه‌و به‌په‌له‌یا وه‌رگرتنا مووچه‌ى كو ئه‌ڤه زێده‌ترى هه‌شت سالانه ڤه‌كێشاى ب دوماهى بینن و ئێدى لیسته‌كا هه‌یڤانه یا بەلاڤکرنا مووچه‌ى بدانن و ل سه‌ر وێ لیستێ وه‌كو به‌رى سالا 2014
