ئهمريكا داخوازيهكێ ژ ئيرانێ دكهت
گاڤ
وهزارهتا دهرڤه يا ئهمريكا ئهڤرۆ دوشهمبيێ داخوازيهك ژ وهلاتێ ئيرانێ كر.
د تويتهكا نيد پرايس پهيڤدارێ وهزارهتا دهرڤه يا ئهمريكا دا هاتيه؛ داخوازێ ژ ئيرانێ دكهين كو بێى مهرج ههمى كهسێن ب ئاشتيانه مومارهسهيا ئازاديێن خۆ كرين و هاتينه دهستهسهركرن، ئازاد بكهت.
پرايس ههروهسا ئاماژه دا هاريكاريا ئهمريكا بۆ ژنێن ئيرانێ پشتى دهرئێخستنا ئيرانێ ژ لژنهيا كاروبارێن ژنێ د نهتهوهيێن ئێكگرتى دا ل دهمهكێ دى ژ ڤێ ههيڤێ.
ديار ژى كريه؛ خهباتا ژنێن ئيرانێ ژ بۆ گههشتنێ ب مافێن خۆ د بهردهوامن.
لژنهيا پهيوهنديێن دهرڤه يا جڤاتا پيران يا ئهمريكى ژ بهرى نوكه پهسنا بهردهواميا كارگێريا جۆ بايدن ب سزادانا كهسێن بهرپرسيار ژ سهركۆتكرنا خۆنيشاندانان ل ئيرانێ كربوو.
پتر ژ 100 رۆژان ل سهر پێلا خۆنيشاندانان ل ئيرانێ پشتى وهغهركرنا ژينا ئهمينى پشتى دهستهسهركرنا وێ ژ لايێ پۆليسان ڤه دهرباز بوون و ل گۆرهى رێكخراوێن مافێ مرۆڤى ب سهدان خۆنيشاندهر ل سهر دهستێن هێزێن ئهمنى هاتينه كۆشتن.
ههروهسا ژمارهيهكا خۆنيشاندهران هاتينه دهستهسهركرن و ئێك ژ وان كچهك ب ناڤێ مههسا پيرۆى يا 25 سالى ل ئوكتۆبهرا بۆرى بوو كو ژ ئهگهرێ ژبهرخۆكرنا حيجابێ د خۆنيشاندانێن ئيرانێ دا حوكمێ 10 سالان ژ لايێ دادگهههكا ئيرانى ڤه ل سهر هاتيه سهپاندن.