قوتابیێن بریتانی دێ نەچار بن تا ژیێ 18 سالیێ بیرکاریێ بخوینن
01/04/2023 - 13:14
گاڤ
سەرۆکوەزیرێ نوی یێ بریتانیا د نویترین بریارا خۆ دا دێ قوتابیان نەچار کەت تا ژیێ 18 سالیێ وانەیێن بیرکاریێ بخوینن.
تۆرا میدیایی یا سکای نیوز راگەهاند؛ ب دیتنا ریشی سۆناک، سەرۆکوەزیرێ نوی یێ بریتانیا، بیرکاری ئێک ژ بنەمایێن سەرەکی یێن ژیانا رۆژانەیە و جیهان هەموو هاتیە گوهۆڕین و بوویە داتا و ئامار و ژبۆ بدەستکەفتنا هەر کارەکی، پێدڤی ب شیانێن بیرکاریێ هەیە.
د ئێکەم گۆتارا سالا نوی دا سەرۆکوەزیرێ ب رەگەز هندی دێ پلانا خۆ یا نەچارکرنا قوتابیان بۆ خواندنا بیرکاریێ تا ژیێ 18 سالیێ راگەهینیت و ل هەمبەر ژی دا پارتیا کرێکاران یا ئۆپۆزسیۆن راگەهاند: ئەڤ بریارە سەرناگریت ئەگەر ماموستایێن نوی یێن بیرکاریێ نەهێنە دابینکرن.