ئه‌رێ مێسى دێ چيته خۆلا سعووديه؟
بەلاڤ بکە
گاڤ
ئه‌ميندارێ گشتى يێ ئێكه‌تيا ته‌پاپێى يا سعوودى ل دۆر نووچه‌يێ چوونا مێسى بۆ ياريكرنێ ل خۆلا سعووديه هاته ده‌نگ.
پشتى چوونا كريستيانۆ رۆنالدۆى بۆ خۆلا سعووديه، ژماره‌يه‌كا راپۆرتێن رۆژنامه‌ڤانى ل رۆژێن بۆرى به‌حس ل وێ چه‌ندێ كرينه كو هه‌ردو يانه‌يێن ئيتحاد و هيلال يێن سعوودى حه‌زا خۆ بۆ گرێدانا هه‌ڤبه‌سته‌كێ ل گه‌ل لێۆنێل مێسى ستێرا ئه‌رجه‌نتينى و يانه‌يا PSG ده‌ربڕينه.
ئيبراهيم قاسم بۆ رۆژنامه‌يا ماركا يا ئسپانى دياركر؛ چ راستى بۆ چوونا مێسى بۆ خۆلا سعووديه نينن.
ديار ژى كر؛ مه وه‌ك ئێكه‌تيا ته‌پاپێى دڤێت مێسى و رۆنالدۆ پێكڤه ل خۆلا سعوودى ياريێ بكه‌ن لێ ئه‌م چ ژ وان نووچه‌يێن ل دۆر مێسى نزانين.
ماركا ئاشكرا ژى كريه؛ سه‌ره‌راى وێ چه‌ندێ كو ل دويماهيكا ڤى وه‌رزى دێ گرێبه‌ستا مێسى ل گه‌ل يانه‌يا پاريس سان جێرمان ب دويماهيك هێت، لێ چ يانه‌يێن سعوودى چ ئۆفه‌ر بۆ كرنا ياريێ ل گه‌ل وان پێشكێشى وى نه‌كرينه.
