گاڤ

سه‌رۆكێ ئۆكراینا گه‌شت بۆ ده‌رڤه‌یى وه‌لاتى ل هنده‌ك به‌رپرسان قه‌ده‌غه‌كر و رێ پێ ناهیته‌ دان قه‌ستا ده‌رڤه‌یى وه‌لاتى بكه‌ن.

ڤۆلۆدمێر زێلێنسكى، سه‌رۆكێ ئۆكراینا د په‌یامه‌كێ دا دیاركر، ب بڕیارا جڤاتا ئاسایشێ و به‌رگریا نشتیمانى گه‌شتێن ده‌رڤه‌یى وه‌لاتى ل هنده‌ك به‌رپرسان هاتینه‌ قه‌ده‌غه‌كرن و رێ پێ ناهێته‌ دان قه‌ستا ده‌رڤه‌یى ئۆكراینا بكه‌ن.

هه‌روه‌سا دیاركر، ئه‌و بڕیار هه‌ر ئێك ژ ئه‌فسه‌رێن بجهئینانێ، نوونه‌رێن خه‌لكى، داواكارێن گشتى و هه‌موو ئه‌و كه‌سێن دشێن د حكومه‌تێ دا كار بكه‌ن ب خۆڤه‌ دگریت.

سه‌رۆكێ ئۆكراینا خویاكر ژى، نوكه‌ هه‌ر كه‌سه‌ك دشێت بێهنا خۆ ڤه‌ده‌ت چونكى ئێدى به‌رپرس ناچنه‌ ده‌رڤه‌یى وه‌لاتى بۆ بێهنڤه‌دانێ.