ئەو کیژ لایەنێ سیاسی یێ ئیراقی یە بوویە ئەگەرێ بلندبوونا بهایێ دۆلاری؟
گاڤ
جێگرێ دوێ يێ سهرۆكێ پهرلهمانێ ئيراقێ ئهڤرۆ ئهينيێ بێى ئاماژهيێ بدهته ناڤێ وى لايهنى راگههاند؛ لايهنهكێ سياسى د ههڤپهيمانيا برێڤهبرنا دهولهتێ دا داخواز ژ وهزيرا دارايى يا ئيراقێ كريه كو شايستهيێن ههرێما كوردستانێ نههنێريت و ديار ژى كر؛ ئهو لايهنه ب رهڤاندنا پارهى بۆ ژ دهرڤه ئهگهرێ بلندبوونا بهايێ دۆلارى يه.
شاخهوان عهبدوللا دیارکر؛ ئهو لايهنێ سياسى يێ داخواز ژ وهزيرا دارايى كرى كو بڕيارا جڤاتا وهزيران ب ڤرێكرنا 400 مليار دينارێن شايستهيێن ههرێما كوردستانێ بجهنهئينيت، ههر ئهو لايهنه بوو يێ داخواز ژ پهرلهمانتارهكێ كرى كو سكالايهكێ ل سهر ڤرێكرنا شايستهيێن ههرێما كوردستانێ تۆمار بكهت.
ديار ژى كر؛ ههر وى لايهنى فهرمان ل دادگهها فيدرالى كربوو كو وێ سكالايێ وهربگريت و شايستهيێن ههرێما كوردستانێ نههێنه ڤرێكرن.
ئاماژه دا وێ چهندێ ژى؛ ئهو لايهنه ئهگهرێ بلندبوونا بهايێ دۆلارى يه ژ بهر رهڤاندنا وان بۆ دۆلارى بۆ ژ دهرڤهى وهلاتى.
زێده ژى كر: ههر وى لايهنى فهرمان ل دادگهها فيدرالى كربوو كو بڕيارهكێ ل دژى ياسايا نهفت و غاز يا ههرێما كوردستانێ دهربكهت.