گاڤ

رێڤه‌به‌رێ كارێن مێسى و بابێ وى ل دۆر نووچه‌يێن ڤه‌گه‌ڕيانا وى بۆ رێزێن يانه‌يا به‌رشلۆنا هاته‌ ده‌نگ.

ليۆنێل مێسى يێ ئه‌رجه‌نتيێ ئێك ژ ستێرێن به‌رشلۆنا بوو تا ل سالا 2021 چوويه‌ دناڤ رێزێن يانه‌يا پاريس سان جێرمان دا.

خۆرخێ مێندێز بابێ مێسى ل ده‌مژمێرێن بۆرى ل باژێڕێ به‌رشلۆنا هاتبوو ديتن، لێ وى بۆ رۆژنامه‌يا سپۆرت يا ئسپانى راگه‌هاند؛ باوه‌ر ناكه‌م مێسى جاره‌كا دى ياريێ بۆ به‌رشلۆنا بكه‌ت.

ديار ژى كر؛ مه‌ ل گه‌ل خوان لاپۆرتاى نه‌ئاخفتيه‌ و وان چ ئۆفه‌ر پێشكێشى مێسى نه‌كرينه‌.

ل ده‌مێن بۆرى، هه‌ڤده‌م ل گه‌ل نوينه‌كرنا مێسى بۆ گرێبه‌ستا خۆ ل گه‌ل يانه‌يا فره‌نسى تا نوكه‌ كو ل دويماهيا ڤى وه‌رزى ب دويماهيك دهێت، ژماره‌يه‌كا نووچه‌يان ل دۆر ڤه‌گه‌ڕيانا وى بۆ دناڤ رێزێن يانه‌يا به‌رشلۆنا دا به‌لاڤ ببوون.

يانه‌يا پاريسى بزاڤێن نويكرنا گرێبه‌ستا مێسى بۆ ساله‌كا دى دكه‌ت، لێ تا نوكه‌ هه‌ردو لايه‌ن ل سه‌ر مه‌رجێن دارايى نه‌گه‌هشتينه‌ رێككه‌فتنێ.